La Liga. “Real” qoldirilgan tur o‘yinida “Valensiya” ustidan ishonchli g‘alabani qo‘lga kiritdi 

Futbol bo‘yicha Ispaniya La Ligasining qoldirilgan 17-turida “Real” 2-fevral, payshanba kuni “Valensiya” bilan bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda madridliklar 2 ta gol urishga muvaffaq bo‘ldi. Dastlab, 52-daqiqada Marko Asensio, undan so‘ng 54-daqiqada Vinisius Junior o‘z hisobiga gol yozdirib qo‘ydi. 72-daqiqada esa “ko‘rshapalaklar” futbolchisi Gabriel qizil kartochka olib, maydonni tark etdi. 

Shu tariqa Karlo Anchelotti shogirdlari ochkolari sonini 45 taga yetkazdi.

La Liga

17-tur bahsi

2-fevral, payshanba

“Real” – “Valensiya” 2:0

Gollar: 1:0 – 52 Asensio, 2:0 – 54 Vinisius Junior.
“Real Madrid”: Kurtua, Nacho, Ryudiger, Militao (Karvaxal, 36), Kamavinga, Modrich (Valverde, 66), Kroos (Tchuameni, 66), Sebalyos, Benzema (Rodrigo, 60), Asensio, Vinisius Junior.

“Valensiya”: Mamardashvili, Fulke, Gabriel Paulista, Diakabi, Gayya, Gilyamon, Almeyda (Moriba, 70), Musa (Jemert, 75), Kastilexo (Markos Andre, 58), Kavani (Fransisko Peres, 75), Lino (Toni Lato, 70).

Ogohlantirishlar: Nacho (33), Benzema (45), Diakabi (60), Asensio (62).

Chetlatish: Gabriel Paulista (72).