Futbol bo‘yicha Ispaniya La Ligasining 7-turidan o‘rin olgan qator uchrashuvlar 2-oktabr, yakshanba kuni bo‘lib o‘tdi.
“Real” o‘z maydonida “Osasuna”ni qabul qildi. Birinchi bo‘lim yakunlanishi arafasida Vinisius Junior madridliklarni oldinga olib chiqdi. Ikkinchi bo‘lim boshida Kike Garsiya muvozanatni tikladi.
78-daqiqada David Garsiya o‘z jarima maydoni ichida Karim Benzemaga nisbatan qo‘pollik ishlatdi. Videotakrorlardan keyin hakam Davidga qizil kartochka ko‘rsatdi va penalti belgiladi. Biroq 11 metrlik jarima zarbasidan Benzema muvaffaqiyatli foydalana olmadi.
Shu tariqa “Real” mavsumda ilk bor ochko yo‘qotdi. Karlo Anchelotti jamoasi 19 ochko bilan ikkinchi o‘ringa tushib ketdi. “Barselona” (19) qo‘shimcha ko‘rsatkichlar evaziga “qaymoqranglilar”ni ortda qoldirmoqda.
La Liga
7-tur bahslari
2-oktabr, yakshanba
“Real Madrid” – “Osasuna” 1:1
Gollar: 1:0 – 42 Vinisius Junior, 1:1 – 50 Kike Garsiya.“Real Madrid”: Lunin, Karvaxal (Mariano Dias, 86), Alaba, Ryudiger, Mendi (Militao, 74), Kroos (Asensio, 74), Sebalyos (Kamavinga, 53), Tchuameni (Valverde, 53), Benzema, Vinisius Junior, Rodrigo.
“Osasuna”: Errera, Vidal (Aridane, 82), Unai Garsiya, David Garsiya, Xuan Krus, Brashanats (Oros, 69), Torro, Monkayola (Sanches, 82), Moyses Gomes, Kike Garsiya (Budimir, 82), Ez Abde (Penya, 69).
Ogohlantirishlar: Sebalyos (45), Ez Abde (47), Kike Garsiya (78).
Chetlatish: David Garsiya (78).
Izoh (0)