“Real Madrid” rahbariyatidagi ba’zi nufuzli shaxsla “Barselona”ga mag‘lubiyatdan so‘ng (0:4) klubning amaldagi bosh murabbiyi Karlo Anchelotti jamoani tark etishi kerakligi haqidagi fikrlarini kuchaytirdi, deb xabar beradi Relevo nashri.
Manbaga ko‘ra, nomi oshkor etilmagan shaxslar jamoadagi kundalik ish jarayonining yo‘lga qo‘yilganidan norozi. Shuningdek, murabbiyning yosh futbolchilarga bo‘lgan munosabati va ularga ishonch yo‘qligi ham norozilikni keltirib chiqargan. Xususan, turkiyalik yarim himoyachi Arda Gyuler ham Anchelottining ishonchini qozonmagan va yetarlicha o‘yin amaliyotisiz qolmoqda.
Rahbariyat Karloning klubning so‘nggi yillardagi muvaffaqiyatlariga qo‘shgan hissasini yuqori baholaydi, biroq uning jamoadagi faoliyati yakuniga yetgan deb hisoblaydi. Manbaning aytishicha, futbolchilarning kiyinish xonasida ham munosabatlar yaxshi emas.
Anchelotti barcha narsaga qaramay, Madrid prezidenti Florentino Peresning ishonchiga egaligi ham qo‘shimcha qilingan.
Ma’lumot uchun, Anchelotti UEFA Chempionlar Ligasida besh marta g‘olib chiqqan yagona bosh murabbiy (ikki marta “Milan” bilan va uch marta “Real Madrid” bilan) hisoblanadi.
Izoh (0)