La Liga. “Real” 6 ta gol urilgan o‘yinda “Almeriya”ni mag‘lub etdi, “Barselona” raqibini tor-mor etdi

Futbol bo‘yicha Ispaniya La Ligasining 32-turidan o‘rin olgan o‘yinlar 29-aprel, shanba kuni bo‘lib o‘tdi.

“Real” o‘z maydonida “Almeriya”ni qabul qildi va 4:2 hisobida g‘alaba qozondi. Madridliklar safida Karim Benzema het-trik qayd etgan bo‘lsa, Rodrigo o‘z hisobiga bitta gol yozdirib qo‘ydi. “Almeriya” safida esa Lazaro va Lukas Robertone bittadan gol muallifiga aylandi.

Karlo Anchelotti jamoasi ochkolarini 68 taga yetkazdi va musobaqa jadvalida 2-o‘rinda bormoqda. 

“Barselona” esa “Betis”ga qarshi bahs olib bordi. Uchrashuvning 14-daqiqasida Andres Kristensen hisobni ochdi. 33-daqiqada Edgar Gonsales qizil kartochka olib, maydonni tark etdi. Qolgan daqiqalarda Sevilya jamoasi bir kishi kam bo‘lib harakat qildi. 36-daqiqada Robert Levandovski kataloniyaliklarning ikkinchi goliga mualliflik qildi. Oradan 3 daqiqa o‘tib, Rafinha ham o‘z hisobiga gol yozdirib qo‘ydi. 82-daqiqada Gonsales o‘z darvozasini ishg‘ol qilib qo‘ydi. Yakunda “Barselona” 4:0 hisobida g‘alaba qozondi.

Xavi shogirdlari ushbu g‘alabadan so‘ng 79 ochko bilan musobaqa jadvalida yetakchilik qilmoqda.

La Liga

32-tur bahslari

29-aprel, shanba

“Real” – “Almeriya” 4:2

Gollar: 1:0 – 5 Benzema, 2:0 – 17 Benzema, 3:0 – 42 Benzema (penalti), 3:1 – 45 Lazaro, 4:1 – 47 Rodrigo, 4:2 – 61 Robertone.

“Real Madrid”: Kurtua, Ryudiger, Militao, Kamavinga, Kroos (Nacho, 72), Sebalyos, Tchuameni, Vaskes, Vinisius Junior (Karvaxal, 82), Rodrigo (Asensio, 72), Benzema.

“Almeriya”: Fernando, Mendes, Eli, Chumi, Akeme (Melero, 75), Puchmal (Eguaras, 57), Portilyo, de la Os (Robertone, 57), Samu Koshta (Senteles, 75), Lazaro, Ramazani (Suares, 64).

Ogohlantirishlar: Vinisius Junior (37), Lazaro (66), Mendes (67), Kamavinga (74).

“Barselona” – “Betis” 4:0

Gollar: 1:0 – 14 Kristensen, 2:0 – 36 Levandovski, 3:0 – 39 Rafinya, 4:0 – 82 Rodriges (avtogol).

Barselona: ter Stegen, Kunde, Kristensen (Alonso, 59), Arauxo, Balde, Buskets, de Yong (Fati, 59), Pedri (Kessie, 73), Gavi (Yamal, 83), Rafinya (Dembele, 73), Levandovski.

Betis: Ruy Silva, Montoyya, Pesselya, Luis Felipe (Edgar Gonsales, 12), Miranda (Xoakin, 64), Kanales (Xuanmi, 75), Vilyam Karvalyu, Rodriges, Peres (Abner, 64), Luis Enrike (Akuoku, 46), Villian Joze.

Ogohlantirish: Edgar Gonsales (24).

Chetlatish: Edgar Gonsales (33).