“Реал Мадрид” раҳбариятидаги баъзи нуфузли шахсла “Барселона”га мағлубиятдан сўнг (0:4) клубнинг амалдаги бош мураббийи Карло Анчелотти жамоани тарк этиши кераклиги ҳақидаги фикрларини кучайтирди, деб хабар беради Relevo нашри.
Манбага кўра, номи ошкор этилмаган шахслар жамоадаги кундалик иш жараёнининг йўлга қўйилганидан норози. Шунингдек, мураббийнинг ёш футболчиларга бўлган муносабати ва уларга ишонч йўқлиги ҳам норозиликни келтириб чиқарган. Хусусан, туркиялик ярим ҳимоячи Арда Гюлер ҳам Анчелоттининг ишончини қозонмаган ва етарлича ўйин амалиётисиз қолмоқда.
Раҳбарият Карлонинг клубнинг сўнгги йиллардаги муваффақиятларига қўшган ҳиссасини юқори баҳолайди, бироқ унинг жамоадаги фаолияти якунига етган деб ҳисоблайди. Манбанинг айтишича, футболчиларнинг кийиниш хонасида ҳам муносабатлар яхши эмас.
Анчелотти барча нарсага қарамай, Мадрид президенти Флорентино Переснинг ишончига эгалиги ҳам қўшимча қилинган.
Маълумот учун, Анчелотти УЕФА Чемпионлар Лигасида беш марта ғолиб чиққан ягона бош мураббий (икки марта “Милан” билан ва уч марта “Реал Мадрид” билан) ҳисобланади.
Изоҳ (0)