• USD12586.41
    • RUB160.42
    • EUR14758.82
    Daryo.uz - Login
    O‘zbekiston

    Toshkentdagi “dom”lardan birida yong‘in sodir bo‘ldi

    Toshkent shahar, Mirzo Ulug‘bek tumani, “Oltintepa” MFY, Parkent ko‘chasida joylashgan 7 qavatli uyning yerto‘la qismi, yordamchi xonasida yong‘in sodir bo‘ldi. Bu haqda 24-yanvar kuni soat 17:44 da poytaxt FVBga xabar kelib tushgan.

    Foto: “Daryo” / Madina Nurman

    Shunga ko‘ra, yong‘in-qutqaruv texnikalari etilgan manzilga soat 17:54 da yetib borib, yong‘in soat 18:06 da qurshab olinib, soat 18:16 o‘chirilgan.

    Hodisa oqibatida halok bo‘lgan va jabrlanganlar yo‘q. Ushbu manzilda gaz sizib chiqish holati sodir bo‘lmagan.

    Hozirda yong‘in sababi va keltirilgan moddiy zarar aniqlanmoqda.

    So‘nggi vaqtlarda sodir bo‘lgan yong‘inlar

    13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.

    Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.

    Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.

    20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.

    31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.

    #yong'in

    Javob qoldiring

    Mavzuga doir

    ×Lightbox Image