Toshkent viloyati, Yangiyo‘l tumani hududidan o‘tuvchi M-39 Toshkent-Termiz xalqaro avtomobil yo‘lining 828-kilometrida 10-yanvar kuni soat 10:30 larda Mazda avtomashinasi yonib ketdi. Bu haqda Toshkent viloyati IIBB YHXB matbuot xizmati xabar berdi.
Ma’lum qilinishicha, haydovchi 1990-yilda tug‘ilgan U.S boshqaruvidagi Mazda 6 avtomobilining dvigatel va salon qismida yong‘in kelib chiqqan.
Hodisa oqibatida harakat ishtirokchilarining sog‘lig‘iga ziyon yetmagan, transport vositasi texnik shikastlangan.
Holat yuzasidan Yangiyo‘l tumani FVV tomonidan surishtiruv ishlari amalga oshirilmoqda.
3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi.
Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Dekabr oyi oxirida Qashqadaryo va Toshkentda mashinalar yonib ketgandi.
Izoh (0)