Shavkat Mirziyoyev Rajab Toyyib Erdo‘g‘onga Turkiyaning Bolu muzofotidagi tog‘-chang‘i kurortida yuz bergan kuchli yong‘in oqibatida ko‘plab insonlar qurbon bo‘lgani va jiddiy jarohat olgani munosabati bilan hamdardlik yo‘lladi. Bu haqda Prezident matbuot xizmati xabar berdi.
Qardosh Turkiya yetakchisi va xalqiga chuqur taʼziya izhor etib, davlat rahbari marhumlarning oila aʼzolari va yaqinlariga sabr-toqat va bardamlik, jabrlanganlar tez fursatda sog‘ayib ketishini tiladi.
Avvalroq Turkiyaning Kartalkaya tog‘-chang‘i kurortidagi mehmonxonada yong‘in chiqishi oqibatida 10 kishi halok bo‘lgani, 32 kishi jarohatlangani haqida xabar berilgandi.
Yong‘in 12 qavatli yog‘och mehmonxonada yong‘in sodir bo‘lgan va tezda butun binoga tarqalgan. Qutqaruvchilar dam olayotganlarni evakuatsiya qilib, kurortning to‘rtta mehmonxonasiga joylashtirgan.
Yong‘in mehmonxonaning restoran qismida boshlangan, xodimlar choralar ko‘rgan, o‘t o‘chiruvchilar taxminan 40-45 daqiqadan so‘ng voqea joyiga yetib kelgan.
Izoh (0)