SpaceX kompaniyasiga tegishli Starship kosmik kemasi yettinchi sinov parvozi payti Atlantika okeani ustida portlab ketdi. Bu haqda Space xabar berdi.
Dastlab 123 metrli apparat Janubiy Texasdagi Starbase bazasidan muvaffaqiyatli ishga tushirilgan va pog‘onalarni ajratishga erishgan. Uning Super Heavy deb nomlangan birinchi pog‘onasi Starbase bazasiga qaytgan va rejaga ko‘ra Hind okeanida qo‘nishi kerak edi.
Ammo taxminan 8 daqiqa o‘tgach, yuqori pog‘ona bilan aloqa yo‘qolgan, u Yer atmosferasida portlagan. Kosmik kema parchalari Karib dengizi ustidagi tungi osmonni yoritgan.
SpaceX kompaniyasi egasi, milliarder Ilon Mask hodisaga quyidagicha munosabat bildirgan.
“Dastlabki ma’lumotlarga ko‘ra, kosmik kema dvigatelining himoya devori ustidagi bo‘shliqda kislorod yoki yonilg‘i sizib chiqqan”, degan u.
Milliarderning so‘zlariga ko‘ra, kompaniya muhandislari sizib chiqishlarni ikki marta tekshirishdan tashqari, yong‘in o‘chirish tizimini o‘rnatadi va ehtimol, ventilyatsiya teshigining maydonini kengaytiradi. Mask halokat tufayli Starship’ning keyingi sinov uchirilishini kechiktirish ehtimoli kam ekanini ta’kidladi.
Izoh (0)