Ташқарида жазирама, уй ва офисларда эса аллақачон кондиционерлар ишлаб турибди. Айримлар иссиқдан ишлай олмайди, бошқалари эса касал бўлиб қолмаслик учун кондиционер ишлаётган хонада қалин кийиниб олади. Хўш, хоналарни совитувчи ушбу қурилмадан шамоллаб қолиш мумкинми? Ушбу саволга Роспотребнадзор ҳузуридаги Эпидемиология маркази CМД Молекуляр диагностика марказининг етакчи мутахассиси Михаил Лебедев жавоб берди.
Кондиционердан шамоллаш мумкинми?
Ҳа, агар организм иссиқ жойдан бирданига салқинга ўца, касаллик юзага келиши мумкин. Кўчадаги ёки дим ҳолатдаги хона билан совитилган хона орасидаги ҳарорат фарқи жуда катта бўлса, бу “ёзги шамоллаш”га олиб келади.
Кондиционердан келиб чиққан шамоллаш ва мавсумий шамоллаш: уларнинг фарқи нимада?
Аввало, “шамоллаш” бу ташхис эмас, балки ўткир нафас йўллари инфекцияларига хос белгилар тўплами. Кондиционер сабабли юзага келган “ёзги” шамоллаш аслида мавсумий шамоллашдан унчалик фарқ қилмайди, иккисининг симптомлари ҳам, даволаниш усуллари ҳам бир хил. Уларнинг фарқи сабабида: ёзда асосан кондиционердан нотўғри фойдаланиш туфайли шамоллаш ҳолатлари кўпаяди.
Кондиционердан шамоллаб қолишнинг олдини олиш
Ёз давомида соғлом бўлишга ёрдам берадиган бир нечта қоидалар мавжуд:
- кўча билан хона ҳарорати ўртасидаги фарқ 7–10 °C дан ошмаслиги керак;
- иссиқ кунларда хона ҳароратини аста-секин, ҳар соатда 2–3 °C га пасайтириш тавсия этилади. Оптимал ҳарорат: 22–25 °C;
- кондиционер ишлаганда, совуқ ҳаво оқими тўғридан-тўғри одамга қаратилмаслиги лозим. Ҳозирги замонавий мосламаларда ҳаво оқимини тарқатувчи горизонтал ва вертикал панжаралар мавжуд, улар шамол эсаётганини сездирмайдиган тарзда хона бўйлаб совуқ ҳаво тарқатади;
- кондиционер билан иш жойи орасида камида 2 метр масофа бўлиши керак;
- совитилган хонадан ташқарига чиқишдан аввал, бир оз вақт кондиционер ишламаётган хона ёки коридорда туриб, организмни мослаштириш керак.
Кондиционерсиз хонани қандай совитиш мумкин?
-UDmrEqqc.avif)
- Вентилятор ишлатинг. У ҳавони совита олмайди, лекин совуқни хонага тарқатишда ёрдам беради. Эффектни кучайтириш учун вентилятор ёнига ҳўл мато қўйиш мумкин.
- Ҳаво намлагични ёқинг. Бу нафас олишни осонлаштиради.
- Деразаларни қалин парда билан ёпиб қўйинг. Бу қуёш нурларининг киришини камайтиради ва хона ҳароратини барқарор ушлаб туради.
- Фақат эрталаб ва кечқурун шамоллатинг. Кундузи дераза очилса, иссиқ ҳаво киради.
- Нам тозалаш ишлари ҳақида унутманг. Иложи бўлса, пол ва бошқа сиртларни совуқ сув билан ювинг.
Изоҳ (0)