Тадқиқотлар шуни кўрсатадики, нонуштани қолдирмайдиган одамлар одатда тезроқ вазн йўқотадилар ва белларида камроқ ёғ йиғИилади. Эрталаб таомланишни одат қилганлар учун унинг фойдалилигини 80 фоизгача ошириш ҳақида мутахассислар тавсиялари билан бўлишдик.
Уйғонганингиздан кейин ярим соат ичида нонушта қилинг
Тиббиёт фанлари доктори Метт Таннбергнинг таъкидлашича, агар тонгда танани ўз вақтида “овқатлантирмасак” уйғонишдан олдин саккиз соатлик очликда қолган организмда метаболизм кескин секинлашади. Танангиз калория сарфланишига тўсқинлик қилишини хоҳламасаниз, уйғонганингдан кейин ярим соат ичида нонушта қилинг.
Эрталаб сув ичинг
Парҳезшунос Илана Мюлштейннинг сўзларига кўра, эрталаб бир стакан сув ичиш нафақат вазн йўқотишга, балки саломатликни сақлашга ёрдам берадиган ажойиб одатдир. Биринчидан, уйқудан сўнг сувсизланиб қоламиз ва буни иложи борича тезроқ тузатиш керак. Иккинчидан, тадқиқотлар шуни кўрсатадики, овқатланишдан олдин сув ичиш бизга одатдагидан камроқ овқат ейиш имконини беради, чунки биз кўпинча чанқоқни очлик билан адаштирамиз.
Оқсил қўшинг
Круассан билан нонушта қилишни ёқтирасизми? Унда битта шарти бор: глюкоза кўпайиб кетмаслиги учун аввал оқсилли овқатлар — масалан, тухум, грек йогурти, лососли бутерброд ёки ловияли салат истеъмол қилиш керак.
Углеводлар ҳам қўшинг
Диэтолог Жули Миллер Жонснинг тушунтиришича, агар организм углевод қабул қилмаса, у оқсилларни мушаклар кучи ва соғлиғини сақлаш учун “сарфлаб юборади”. Албатта, булочкаларни клетчаткага тўла бўлган сули ёрмаси билан алмаштирган маъқул — донли бўтқа узоқ вақт тўқликни сақлашга ёрдам беради.
Қаҳва ичинг
Тадқиқотга кўра, эрталабки ёки кечки машғулотлардан 30 дақиқа олдин бир финжон аччиқ қаҳва ичган одамларда сезиларли даражада “бутун танада ёғ оксидланиш тезлигининг ошиши” кузатилган. Қаҳвани ёқтирмайсизми? Сизга кўк чой ёрдам беради – унинг таркибидаги флавоноидлар машқлар пайтида кўпроқ қорин ёғини йўқотишга ёрдам беради, шунинг учун у қаҳвага ажойиб муқобил бўла олади.
Изоҳ (0)