Ёзги мавсумда атир — нафақат гўзаллик аксессуари, балки кун давомида тетиклик ва ўзига ишонч бахш этадиган энг зарур парфюмлардан биридир. Кунлар исигани сайин, ёзги атирларга бўлган эҳтиёж ҳам ортиб боради. “РБК-Украина” ёз мавсумида аёллар учун мос келадиган 10 та энг яхши атирни тақдим этди.
Dolce & Gabbana Light Blue
Бу атир ёзнинг чинакам классикаси бўлиб, ҳеч қачон модадан чиқмайди. Ундаги цитрус ва денгиз ҳавоси уйғунлиги ниҳоятда ёқимли тетиклик бахш этади. Таркибида лимон ва яшил олма ифорлари мавжудлиги сабабли, ёзги дам олиш ва кундалик фойдаланиш учун мос келади.
Chanel Chance Eau Fraiche
Chanel Chance Eau Fraiche — енгил, ёрқин ва нафис атир деб таърифланади. У дастлаб ёрқин цитруслар ва кедр ҳидларини таратиб, дарҳол тетиклаштиради. Асосида гиёцинт ва пушти мурч бор бўлиб, улар атирга ёқимли хушбўй ҳид қўшади. Бундан ташқари, атир таркибидаги амбра, ирис ва мушк — узоқ давом этувчи ҳид изини қолдиради.
Бу атир офисда ишлаш, сайр қилиш ва иссиқ ҳавода кечки учрашувлар учун жуда мос келади.
Marc Jacobs Daisy
Marc Jacobs Daisy хушбўй, ёқимли, соф ҳидга эга бўлиб, ёш қалбли аёллар учун жуда яхши танловдир. Бу атир қуёшли далани, гуллар ва меваларни эслатади. Атирни бир маротаба сепганингизда таркибидаги қулупнай, грейпфрут ва виола барглари ёқимли ҳидларни беради. Асосида гардения, ясмин ҳамда виола гуллари мавжуд.
Jo Malone Wood Sage & Sea Salt
Бу атир хушбўй, ёқимли, узоқ из қолдирувчи ва ноодатий ҳид излайдиган аёллар учун мўлжалланган. У Британия соҳилининг денгиз ҳавоси, табиат ҳидларини таратади.
Композициясида амбрат уруғлари, денгиз тузи ва ялпиз ўзаро уйғунлашиб, ноёб ва табиий атир яратади. Бу ифор ёзги кечалар ва саёҳатлар учун айни муддао ҳисобланади.
Giorgio Armani Acqua di Gioia
Ушбу атирнинг ифори сизни тропик оролга олиб боради. Парфюм ўзида турли ноёб ҳидларни бирлаштиради. Лимон, ялпиз, ясмин, мурч ва пион гуллари мавжуд. Охирида кедр, жигарранг шакар ва лабданум илиқ ва бир оз ширин ҳид қолдиради.
Бу атир кундузги фойдаланиш ва дам олиш учун жуда мос келади.
Elizabeth Arden Green Tea
Бу атир ёз учун энг арзон, аммо ширин ҳидга эга атирлардан бири бўлиб, соф ва тетиклантирувчи ҳис беради. У ялпиз, бергамот, лимон ва ревенга ҳидлари билан очилади. Юрагида яшил чой, ясмин, гвоздика ва амбра мавжуд. Асосида эман мохи, мушк ва зираворларнинг енгил, аммо сезиларли изи бор.
Иссиқ кунлар ва тоза ҳидларни севувчилар учун идеал.
Issey Miyake Lʼeau dʼIssey
Мазкур парфюм минимализм ва соф гўзаллик тимсоли. Бу атирда лотос, фрезия ва цикламен гуллари мавжуд. Асосида лилия, пион, османтус, мушк ва сандал дарахти бор. Офис ва кундузги сайрлар учун жуда яхши танлов. Ўткир ҳидни хуш кўрмайдиганлар учун мўлжалланган.
Versace Bright Crystal
Versace парфюми аёллик ва нафисликни ўзида мужассам этган ёрқин, аммо ҳаддан ортиқ ўткир ифорга эга бўлмаган енгил атир ҳисобланади. Таркибида анор, пион, магнолия ва лотос мавжуд. Ёзги учрашувлар учун жуда мос.
Escada Sorbetto Rosso
Эсcада Сорбетто Россо таътил кайфияти, ширин мевалар ва эркинликни севувчилар учун ажойиб танлов. Бу ҳақиқий мевали коктейл бўлиб, Италиянинг қирғоқларидан илҳомланган қовун ҳидини эслатади. Бошида нок, калон ва цитруслар ёрқинлик беради. Атирдан қовун, олма, денгиз ҳидлари уфуриб туради. Асосида мушк, амбра ва пралине мавжуд.
Бу атир таътил, пляж ва ёзги дам олиш учун идеал.
Hermes Un Jardin sur le Nil
Hermes брендига тегишли атир билан Нил водийсидаги боғларга саёҳат қилгандек бўласиз. Унда ёқимли экзотик гуллар мавжуд. Атир бир оз нордон, аммо жуда нафис.
Атирни илк бор серганингизда яшил манго, грейпфрут, помидор ва сабзи ҳидлари сезилади. Юрагида шох, лотос, апелсин ва гиёцинт мавжуд. Асосидаги мушк, ирис, лабданум ва долчин ноёб ва ҳар хил ёқимли ҳид таратади. Бу ёзнинг иссиқ кунлари учун мос атир саналади.
Изоҳ (0)