Оддий ош содаси нафақат ошхонада, балки болалар хонасида ҳам кўплаб фойдали вазифаларни бажара олади. Қуйида соданинг 3 фойдали жиҳатини ҳақида билиб оласиз.
Кийим
Болалар матодан ўчиши қийин бўлган доғларни жуда моҳирлик билан “яратишади”. Бундай кийимларни кучли кимёвий воситалар билан ювишни истамаймиз, аммо болалар учун мўлжалланган кир ювиш кукунлари ҳар доим ҳам ёрдам бера олмайди.
Мева, компот ёки шарбат тўкилган кийимларни (агар дарҳол ювилса) шунчаки қайноқ сув билан ювиш кифоя — доғлар кўз ўнгингизда йўқолади.
Қолган турдаги доғларни тозалашга эса оддий ош содаси ёрдам беради. Икки ош қошиқ содани кир ювиш кукунига қўшинг, сода кукун таъсирини кучайтиради, кийимни ҳам юмшатади. Яна бир усул — кийимни олдиндан содали эритмада 30 дақиқа давомида ивитиб, кейин кир ювиш машинасига солиш.
Девордаги расмлар
Болалар чизишни яхши кўради. Баъзида улар энг кутилмаган жойларда, масалан, янги гулқоғозларда ижод қилишади. Агар девор бўялган бўлса, губка яхши ёрдам беради, лекин гулқоғозлар билан ишлаш бир оз мураккаброқ.
Бир литр сувга икки ош қошиқ сода солиб аралаштиринг, губкани шу эритмага ботириб, девордаги расмларни эҳтиёткорлик билан артиб тозаланг. Жуда кучли ишқаламанг — гулқоғозлар йиртилиб кетмаслиги керак. Эҳтимол, деворни тозалашга муваффақ бўласиз.
Ёқимсиз ҳидлар
Ишлатилган тагликларни чиқинди пакетига ташлашдан аввал уларга яхшилаб содага сепиб чиқинг. Бу усул ёқимсиз ҳидларни маълум вақтга йўқотишга ёрдам беради.
Худди шу усулни бошқа ҳар қандай ёқимсиз ҳидларга қарши ҳам қўллаш мумкин. Масалан, агар бола машинада қайт қилса ёки гилам ёки матрасни ҳўллаб қўйса.
Содали эритма (1 литр илиқ сувга 2 ош қошиқ сода) нафақат дезинфекция қилади, балки ёқимсиз, ўрнашиб қолган ҳидларни ҳам йўқотади.
Изоҳ (0)