Ижтимоий ҳимоя миллий агентлиги 2025 йил май ойида ўн минглаб фуқароларга ҳуқуқий ёрдам кўрсатилганини маълум қилди.
2025 йилнинг май ойи ҳолатига кўра, Ўзбекистон бўйича жами 42 447 нафар ижтимоий ҳимояга муҳтож фуқарога юридик ёрдам ва ҳуқуқий маслаҳатлар кўрсатилган.
Шундан:
- 1 379 нафар шахснинг манфаатларини ҳимоя қилиш мақсадида фуқаролик ва маъмурий судларга даъво ариза, ариза ёки шикоятлар киритилган;
- 303 нафар фуқарога даъво ариза лойиҳалари тайёрлаб берилган;
- 841 нафар эҳтиёжманд шахс номидан давлат органлари ва ташкилотларга талабномалар тақдим этилган;
- 39 924 нафар фуқарога эса ижтимоий хизмат ва ёрдамлар бўйича ҳуқуқий тушунтиришлар ҳамда маслаҳатлар берилган.
Шунингдек, даъво аризалари ёки ариза лойиҳалари асосан қуйидаги тоифадаги фуқаролар манфаатларида тайёрланган ёки судларга киритилган:
- Кам таъминланган оилалар аъзолари – 713 нафар;
- Тазйиқ ва зўравонликка учраган хотин-қизлар – 470 нафар;
- Ногиронлиги бўлган шахслар – 86 нафар;
- Етим ва ота-она қарамоғидан маҳрум бўлган болалар – 45 нафар;
- Ўзгалар парваришига муҳтож шахслар – 20 нафар;
- Ота-оналик ҳуқуқидан маҳрум этилмасдан фарзандлари олиб кетилган ота-оналар – 16 нафар;
- Муайян яшаш жойига эга бўлмаган шахслар – 7 нафар;
- Бошқа ижтимоий ҳимояга муҳтож шахслар – 22 нафар.
4 ойлик статистика
2025 йил I-чорак давомида жами 17 878 нафар ижтимоий ҳимояга муҳтож аҳолига юридик ёрдам ва ҳуқуқий маслаҳатлар кўрсатилган. Хусусан, хизмат тури бўйича:
- 1 162 нафар шахснинг манфаатларида фуқаролик ва маъмурий судларга даъво аризаси киритилган ёки ёзиб берилган;
- 470 нафар ижтимоий ҳимояга муҳтож аҳоли манфаатларини кўзлаб давлат органлари ва ташкилотларига талабнома киритилган;
- 16 246 нафар шахсга ижтимоий хизмат ва ёрдамларни кўрсатиш соҳасида ҳуқуқий тушунтириш ва маслаҳат (консултация) бериш хизматлари кўрсатилган.
Аҳоли тоифалари бўйича эса юқори кўрсаткичлар:
- кам таъминланган оилаларнинг аъзолари — 12 662 нафар (70,8 фоиз);
- ногиронлиги бўлган шахслар — 1 758 нафар (9,8 фоиз);
- тазйиқ ва зўравонликка учраган хотин-қизлар — 2 317 нафар (13 фоиз);
- ўзгалар парваришига муҳтож шахслар — 460 нафар (2,6 фоиз);
- етим ва ота-она қарамоғидан маҳрум бўлган болалар — 260 нафар (1,5 фоиз);
- ота-онаси хорижий давлатларга кетган, шу жумладан ташқи меҳнат миграциясига кетган болалар — 122 нафар (0,7 фоиз);
- муайян яшаш жойига эга бўлмаган шахслар — 94 нафар (0,5 фоиз);
- бошқа ижтимоий ҳимояга муҳтож аҳоли тоифалари — 206 нафар (1,1 фоиз) қайд этилди.
“Камбағал оилаларни давлат томонидан ижтимоий қўллаб-қувватлаш тизимини янада такомиллаштириш тўғрисида”ги президент фармони қабул қилинди.
Мазкур фармонга мувофиқ, 2025 йил 15 майдан бошлаб Камбағал оилалар реестрига киритилган ҳамда ушбу реестрга тушиш хавфи мавжуд бўлган оилалар “қизил”, “сариқ” ва “яшил” тоифаларга ажратилади. Улар учун белгиланган ижтимоий қўллаб-қувватлаш чоралари ушбу тоифаларга мувофиқ тарзда амалга оширилади.
Изоҳ (0)