Туриннинг “Ювентус” клуби “Манчестер Юнайтед” ҳужумчиси Жейдон Санчо трансфери бўйича янги расмий таклиф юборди. Бу ҳақда таниқли журналист Жанлука Ди Марцио хабар берди.
Манбага кўра, италияликлар футболчи учун инглиз клубига 10 миллион евро ҳамда қўшимча равишда 5 миллион евро бонус таклиф қилган.
Аввалроқ матбуотда “Ювентус” Санчога 2029 йилга қадар амал қиладиган шартнома таклиф қилгани ҳақида хабарлар тарқалган эди. Шунингдек, битимни яна бир йилга узайтириш имконияти мавжуд бўлади. Унинг йиллик маоши 5 миллион евро ва бонуслардан иборат бўлиши кутилмоқда.
Маълумот учун, Санчо ўтган мавсумни “Челси” сафида ижарада ўтказди. Унинг “Манчестер Юнайтед” билан амалдаги шартномаси 2026 йил ёзигача давом этади. Transfermarkt портали футболчининг қийматини 28 миллион евро деб баҳоламоқда.
Эслатиб ўтамиз, “Мачестер Юнайтед” 2021 йили Санчони “Боруссия Д”дан 85 миллион евро эвазига харид қилган эди. Бироқ футболчи манкунианликлар сафида ўз ўйинини топа олмади ва “Челси”, “Боруссия Д” каби жамоаларда ижара асосида ҳаракат қилди.
Изоҳ (0)