Англиянинг “Манчестер Юнайтед” клуби Лондоннинг “Челси” жамоасида тўп сураётган ҳужумкор ярим ҳимоячи Кристофер Нкункуни ёзги трансфер ойнасида харид қилишни режалаштирмоқда. Бу ҳақда Mirror нашри хабар берган.
Манбага кўра, “Челси” франциялик футболчини янги мавсум режасига киритмаган. Бунга сабаб, клуб яқинда Жоау Педро ва Лиам Делап каби ҳужумчиларни таркибга қўшиб олди. Шу боис “аристократлар” Нкункунинг кетишига қарши эмас. “Манчестер Юнайтед” эса 27 ёшли футболчини ўз сафида кўришни истамоқда ва унинг учун 40 миллион евро таклиф қилишга тайёр.
Маълумот учун, Нкунку ўтган мавсумда барча мусобақалар доирасида 46 та ўйинда майдонга тушиб, 15 та гол урган ва 5 та голли узатмага муаллифлик қилган. Унинг “Челси” билан тузган шартномаси 2029 йил ёзигача амал қилади. Transfermarkt портали футболчининг қийматини 35 миллион еврога баҳолаган.
Изоҳ (0)