Европада бугун ёзги трансфер ойнаси ёпилади. Сўнгги кунда содир бўлган трансферлар битта саҳифада 

Европанинг қатор лигаларида 1 сентябрь куни ёзги трансфер ойнаси ёпилди. Қуйида дедлайн куни юз берган асосий трансферлар ҳақида маълумот берилади. 

• “Реал” футболчиси Альваро Одриосола фаолиятини “Реал Сосьедад”да давом эттиради. Футболчи янги жамоаси билан 5 йиллик шартнома имзолади. 
• “Барселона” “Манчестер Сити” ҳимоячиси Жоау Канселуни ўз сафига қўшиб олди. Португалиялик футболчи бир мавсум давомида каталонияликлар шарафини ҳимоя қилади. 
• “Барселона” “Атлетико” ҳужумчиси Жоау Феликсни сотиб олиш ҳуқуқи билан ижарага олди. Бу ҳақида жамоа расмий сайти хабар бермоқда.

• “Айнтрахт” футболчиси Рандал Коло-Муани “ПСЖ”га ўтди. Парижликлар футболчи учун 95 миллион евро тўлаб беради. 

• Мэйсон Гринвуд фаолиятини Испанияда давом эттиради. “Манчестер Юнайтед” футболчисини “Хетафе” ижарага олди. 
• “Манчестер Юнайтед” “Фиорентина” футболчиси Софян Амрабатни бир мавсумга ижарага олди. 
• “Фиорентина” футболчиси Лука Йович фаолиятини “Милан”да давом эттиради. Томонлар бир йиллик шартнома имзолади. 
• “Манчестер Юнайтед” “Фенербаҳче”нинг 25 ёшли дарвозабони Алтай Байиндирни ўз сафига қўшиб олди. Туркиялик посбон билан битим 2027 йил ёзига қадар мўлжалланган. 
• “Манчестер Сити” ярим ҳимоячиси Коул Палмер фаолиятини “Челси”да давом эттиради. 21 ёшли футболчи лондонликлар билан 7+1 кўринишида шартнома имзолади. 

• “Ювентус” ҳимоячиси Леонардо Бонуччи “Унион” билан шартнома имзолади. 36 ёшли футболчининг туринликлар билан бир йиллик битими бор эди. Бироқ у жамоа билан келишган ҳолда трансферга қўйилди ва жамоасини алмаштирди. 

• “Ноттингем Форест” “Арсенал” ҳимоячиси Нуну Таварешни бир йилга ижарага олди. Шунингдек, жамоада 23 ёшли футболчини 12 миллион фунтга сотиб олиш ҳуқуқи ҳам мавжуд. 
• “Манчестер Сити” “Вулверҳэмптон” ярим ҳимоячиси Матеуш Нунешни 53,2 миллион фунтга харид қилди. Футболчи “шаҳарликлар” билан 5 йиллик шартнома имзолади. 
• “Барселона” ҳимоячиси Клеман Лангле ижара асосида “Астон Вилла”га ўтди. Инглиз жамоаси 28 ёшли футболчининг 75% маошини тўлаб беради. 

• “Барселона” ҳужумкор ярим ҳимоячиси Ансу Фати “Брайтон”га ижара асосида ўтди. “Барселона” тарбияланувчиси бир йилдан сўнг жамоага қайтади. Инглизлар шартномага 20 ёшли вингерни харид қилиш бандини киритмаган. 
• “Реал” ўз футболчиси Рейнерни учинчи бор ижарага бериб юборди. Футболчи бу сафар бир мавсум давомида А Сериянинг “Фрозиноне” клуби шарафини ҳимоя қилади. 
• “Аталанта” клуби ҳужумчиси Дуван Сапата “Торино”да ўйнайдиган бўлди. Туринликлар футболчини бир йилга ижарага олди. 
• “Ювентус” ярим ҳимоячиси Марко Пяцса Хорватиянинг “Риэка” жамоаси футболчисига айланди. 
• “Аугсбург” “Тоттенҳэм” футболчиси Жафет Тангангани ижарага олди. 
• “Манчестер Юнайтед” 8 йил олдин жамоани тарк этган Жонни Эвансни яна ўз сафига қўшиб олди. 35 ёшли ҳимоячи манкунианликлар билан бир йиллик шартнома имзолади. Эванс сўнгги 5 йилни “Лестер” жамоасида ўтказган. 

• “Валенсия” 28 ёшли ярим ҳимоячиси Саму Кастильехони “Сассуоло”га ижарага берди. 
• “Челси” ярим ҳимоячиси Каллум Ҳадсон-Одои “Ноттингем Форест” билан 3 йиллик шартнома имзолади. Футболчи янги жамоасида 14-рақам остида ҳаракат қилади.