Сўнгги янгиликлар
Ўзб
O'zbekcha
Русский
English
  • O'zb
  • Ўзб
  • Рус
  • Eng

Daryo.uz Daryo.uz

  • O'zb
  • Ўзб
  • Рус
  • Eng
Сўнгги янгиликлар
    • USD 12178.1
    • RUB 126.06
    • EUR 13028.13
    • Google play
    • App Store
    • Telegram
    • Toshkentда
      +24°C
      • Andijon
      • Qarshi
      • Buxoro
      • Samarqand
      • Farg‘ona
      • Sirdaryo
      • Jizzax
      • Termiz
      • Namangan
      • Toshkent
      • Navoiy
      • Toshkent vil
      • Nukus
      • Urganch
    Telegram Youtube Facebook Instagram Twitter

    Daryo logo white Daryo logo dark

    • Маҳаллий
      • Меҳридарё
      • Бошқалар
    • Марказий Осиё
      • Қирғизистон
      • Қозоғистон
      • Туркманистон
      • Тожикистон
      • Афгонистон
    • Дунё
    • Пул
      • Иқтисодиёт
      • Молия
      • Крипто
      • Бизнес
    • Маданият
      • Кино
      • Китоб
      • Мусиқа
      • Шоу-бизнес
    • Лайфстайл
      • Аёллар саҳифаси
        • Фарзанд
        • Гўзаллик
        • Карьера
        • Маслаҳатлар
        • Мода
        • Рецептлар
      • Технологиялар
        • Архитектура
        • Гаджетлар
        • Илм-фан
        • Коинот
        • Медиа
      • Авто
      • Қўзиқорин
      • Саёҳат
      • Саломатлик
      • Таълим
        • Абитуриент
        • Инглиз тилини ўрганамиз!
    • Спорт
    • Колумнистлар
    • Мультимедиа

    Daryo.uz Daryo.uz

    Спорт

    Роналдодан ўзиб кетган футболчи. Польшада туғилиб, Германия футболи афсонасига айланган Мирослав Клозе ҳақида

    10 июн, 00:54 13152

    Германиялик футболчи Мирослав Клозе 1978 йилнинг 9 июнь санасида Польшанинг Ополе шаҳрида спортчилар оиласида туғилган. Унинг отаси футболчи (этник немис), онаси эса гандболчи (этник поляк) эди. Кейинчалик Германия терма жамоасини танлаган ва Жаҳон Чемпионатлари тўпурарига айланган футболчи 45 ёшга тўлди. Қуйида ҳужумчининг фаолияти ҳақида сўз боради.

    Фото: Getty Images

    Клозелар оиласи 1981 йилда Францияга кўчиб ўтади, 1987 йилда эса фолксдойч (1945 йилгача Германиядан ташқарида истиқомат қилган немислар) сифатида Германия ғарбидаги Кусел шаҳрига йўл олади.

    Германияга кўчиб ўтганимизда саккиз ярим ёшда эдим ва футбол мен учун ҳамма нарса эди. Футбол мен учун интеграция воситасига айланганди, доим жамоага биринчи бўлиб танланардим, чунки энг яхши ўйинчи эдим. Бу ерда тан олиндим ва дўстлар топдим. Бир кун келиб Германия терма жамоасида ўйнаш имкониятини қўлга киритишимни билардим ва бу мен учун доим стимул бўлиб келган.

    Мирослав мактабни тугатгач ота-онасининг талаби билан коллежга ўқишга кирди ва дурадгорлик касбини олди. Аммо Клозе футболни ҳам унутиб қўймади.

    Клозенинг биринчи жамоаси Германия еттинчи лигасида ҳаракат қиладиган “Блаубаха-Диделкопф” бўлди. Ўсишга эришаётган футболчига бешинчи лига клуби “Ҳомбург” эътибор қаратди.

    Мирослав янги клубидаги илк мавсумида 11 та гол урди. Футболчи шу тариқа “Кайзерслаутерн” (бир йил олдин Германия чемпиони бўлган) скаутларининг эътиборини тортди ва 1999 йилда клуб билан шартнома имзолади.

    Фото: Getty Images

    Миро аввалига клубнинг иккинчи жамоаси таркибида ўйнади. Тез орада ёш ҳужумчига бош мураббий Отто Рехагел эътибор қаратди ва асосий жамоага жалб қилишни бошлади

    Клозе 2000 йилнинг 20-октябрида “Кайзерслаутерн” таркибидаги биринчи голини урди ва кейинчалик ташриф қоғозига айланган салто билан нишонлади.

    Фото: Getty Images

    Мавсум клуб учун омадсиз ўтди, бироқ Миро Клозе яхши натижа қайд этди. Ҳужумчи 11 та гол урди (тўққиз марта Бундеслигада, икки марта УЕФА Кубогида). Шу пайтгача номаълум бўлган ҳужумчи немис футболининг умиди сифатида кўрилишни бошлади, мухлислар ва клуб раҳбариятининг севимли футболчисига айланди. Клозенинг трансфер нархи 10 баробар ошди.

    Мирославни Польша терма жамоаси ҳам, Германия терма жамоаси ҳам ўз таркибига чақирди. Биринчи қадам полшаликлардан бўлди. Мамлакат жамоаси бош мураббийи ёш ҳужумчи билан гаплашиш учун шахсан Германияга ташриф буюрди. Бироқ Клозе “Бундестим”дан таклиф кутаётганини айтиб, Польшани рад этди.

    Кейинчалик Клозе ўша пайтда Руди Фёллернинг (Германия терма жамоаси бош мураббийи) уни таклиф қилиш ниятидан хабари борлигини, акс ҳолда Польша таклифи ҳақида жиддий ўйлаб кўришини тан олганди.

    Биринчи гол ўзини узоқ куттириб қўймади. Германия терма жамоасидаги дебют учрашувида Альбанияга қарши ўйинда (ЖЧ—2002 саралаши) захирадан майдонга тушган Миро жамоасининг ғалаба голини урганди (2:1). Жаҳон Чемпионатидаги биринчи ўйинида эса Саудия Арабистони дарвозасига учта тўп киритган ва битта ассистни ўз ҳисобига ёздириб қўйганди.

    Гуруҳ босқичининг қолган икки ўйинида – Ирландия ва Камерун дарвозасига биттадан гол урди. Ўша турнирда Германия терма жамоаси финалгача етиб борди, бироқ ҳал қилувчи баҳсда Бразилияга 0:2 ҳисобида имкониятни бой берди. Турнир якунига кўра Клозе бешта гол билан (барчаси боши билан) Ривалдо билан бирга тўпурарлар орасида иккинчи ўринни эгаллади. Миро турнирнинг кашфиётларидан бирига айланди, уни афсонавий Герд Мюллер билан солиштириш бошланди.

    Жаҳон Чемпионатидан сўнг Клозега “Манчестер Юнайтед”, “Ювентус”, “Бавария” ва Дортмунднинг “Боруссия” клублари қизиқиш билдирди, аммо Миро ўз жамоасида қолишга қарор қилди. Бу омадли қарор бўлмади, икки йилдан сўнг футболчи “Вердер”га ўтди.

    Фото: Getty Images

    Клозени 2006 йилда ўз уйида бўлиб ўтган Жаҳон Чемпионатида навбатдаги муваффақият кутиб турган эди. Ўзининг туғилган кунида Коста-Рика терма жамоасига қарши ўтказилган очилиш учрашувида футболчи дубль қайд этди (якуний ҳисоб 4:2). Ўз ватани бўлган Польшага қарши иккинчи ўйинда у гол ура олмади. Эквадорга қарши учинчи учрашувда эса Миро яна дублга эришди (якуний ҳисоб 3:0).

    Ҳужумчи Швецияга қарши 1/8 финал ўйинида иккита голли узатмани амалга оширди ва учрашувнинг энг яхши футболчиси деб топилди. Чорак финалнинг 80-дақиқасида Аргентина дарвозасига гол уриб, жамоасини мағлубиятдан қутқарди. Ўйин пенальтилар сериясигача борди ва якунда немислар ғалаба қозонди. Ярим финалда Германия бўлажак чемпион – Италияга имкониятни бой берди. 3-ўрин учун баҳсда эса Португалияни мағлуб этди. Клозе 2006 йилги Жаҳон Чемпионатининг энг яхши тўпурари бўлганди.

    2007 йилда Миро “Вердер”ни тарк этиб, 15 миллион евро эвазига “Бавария”га ўтди.

    Фото: Getty Images

    Клозе 2007 йилнинг сентябрь ойида Уэлсга қарши ўйинда биринчи марта Германия терма жамоасини сардор сифатида майдонга бошлаб тушди. Ҳужумчи ўша ўйинда гол ҳам урди.

    ЖАРда 2010 йилда ўтказилган Жаҳон Чемпионати гуруҳ босқичи иккинчи туридан ўрин олган Сербияга қарши ўйинда Клозе қизил карточка олди. Англияга қарши 1/8 финал учрашувининг 20-дақиқасида дарвозабон Мануэль Нойернинг узатмасидан кейин гол урганди. Ҳужумчи Аргентинага қарши чорак финал баҳсида дублга эришди, якунда Германия 4:0 ҳисобида ғолиб бўлди.

    Аммо ярим финалда испанларга ютқазиб, 3-ўрин учун кечган баҳсда Уругвайни мағлуб этган “Бундестим” яна бронза медаллари билан кифояланди.

    Миро 2011 йилда шартнома муддати тугагач, “Бавария”ни тарк этиб, Италиянинг “Лацио” клубига ўтди ва у ерда футболчилик фаолиятининг охиригача (2016) ўйнади.

    Мюнхенда қизиқарли ва муваффақиятли тўрт йилни ўтказдим ва бунинг учун “Бавария”га чин қалбимдан миннатдорчилик билдираман. Бу жамоа сафида ўйнаш мен учун доим шараф бўлган.

    Бразилияда 2014 йилда бўлиб ўтган Жаҳон Чемпионатида Германия терма жамоаси ғалаба қозонди. Мирослав Клозе бу мусобақада иккита гол урди. Булар футболчининг мундиаллардаги 15 ва 16-голига айланди. Германиялик ҳужумчи Жаҳон Чемпионатлари тўпурарлари рўйхатида бразилиялик Роналдони (15 та гол) ортда қолдирди.

    Фото: Getty Images

    2016 йилнинг 1 ноябрь куни Клозе футболчилик фаолиятини якунлаганини эълон қилди ва Германия терма жамоаси бош мураббийи Йоахим Лёвнинг терма жамоа мураббийлар штабига қўшилиш таклифини қабул қилди.

    Клозенинг кучли томонлари юқори тезлик ва бош билан ўйнаш бўлган. Миро жамоавий ўйинчи, у яхшироқ ҳолатда турган жамоадошидан тўпни қизғанмасди. Ҳужумчи ўз ҳаракатларини қуйидагича изоҳлаган: “Футболда якка ҳолда ҳеч нарсага эришиб бўлмайди”.

    Клозе дастлаб марказий ҳужумчи бўлган, аммо “Вердер”да ўйнаб юрган вақтида кўп қиррали футболчига айланди, у ҳам қанотда, ҳам орқароқда ҳаракат қила олишини кўрсатди. Карл-Ҳайнс Румменигге бир пайтлар Клозе футболчи сифатида камчилиги деярли йўқ деб айтган эди.

    Facebook Twitter LinkedIn Telegram Email

    Мавзуга доир

    “Реал”га 30-чемпионликни келтирган, Европа Лигасида 5 марта ғолиб чиққан ва фожиали ўлим топган Хосе Антонио Рейес ҳақида

    2 июн, 01:28

    Англия клубларидан ҳеч қачон таклиф олмаган, ЖЧ ғолиблигини рафиқасига бағишлаган ва “Милан” билан ютиш мумкин бўлган барча турнирларда ғалаба қозонган Кафу ҳақида...

    7 июн, 23:19

    Тавсия этамиз

    13:00 / 21.09.2023

    БМТ ассамблеясидаги можаро, намойишга чиққан тракторлар, бўрон қурбонларини дафн этаётган кўнгиллилар — 20 сентябрь суратлари 

    23:00 / 20.09.2023

    “Одамлар доимо энг яхши кўрган нарсаларини вайрон қилади…” — “Алкимёгар” асари ҳақида

    22:00 / 20.09.2023

    “Док-1 Макс” суди: сиропга берилган гувоҳномадаги раҳбар имзосини экспертиза қилиш сўралди. Адвокатга кўра, имзолар сохталаштирилган бўлиши мумкин 

    18:00 / 20.09.2023

    МОЛИЯ

    Иқтисодиёт

    Ўзбекистон уран қазиб олиш бўйича дунёда 5-ўринда. Асосий кўрсаткичлар

    16:00 / 15.09.2023

    Меҳнат дафтарчаси йўқолса, қандай қилиб пенсияга чиқиш мумкинлиги тушунтирилди

    14:00 / 09.09.2023

    Давлат бюджетининг тўрт кунлик даромад ва харажатлари миқдори очиқланди. Харажатлар анча юқори

    16:00 / 08.09.2023

    Энг йирик IPO’лар: омадли ва омадсиз кечган акция сотувлари тарихи

    20:00 / 06.09.2023

    Кўп ўқилганлар

    Рамзан Қодиров касаллиги ҳақидаги миш-мишларга изоҳ берди (видео)

    21:00 / 20.09.2023

    “Россия Қозоғистонга таҳдид солмоқда” — Зеленский БМТда нутқ сўзлади (видео) 

    06:00 / 20.09.2023

    Ўзбекистонда доллар курси яна ошди

    16:00 / 20.09.2023

    “Девдас”ни кўраётганимда Айшвариядан кўз уза олмаганман — Болливуд актёрлари билан ишлашни орзу қиладиган Голливуд юлдузлари 

    14:00 / 20.09.2023

    ОЧЛ. “Ан-Насср” Эронда ишончли ғалабани қўлга киритди (видео) 

    02:00 / 20.09.2023
    About Us

    «Daryo» интернет-нашрининг (Ўзбекистон матбуот ва ахборот агентлиги (ЎзМАА, ҳозирги Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги) томонидан 13.03.2015 йил санасида 0944-сонли гувоҳнома билан оммавий ахборот воситаси сифатида рўйхатга олинган). Матнли материалларини тўлиқ кўчириш ёки қисман иқтибос келтиришга, шунингдек, фотографик, график, аудио- ва/ёки видеоматериалларидан фойдаланишга daryo.uz сайтига гиперҳавола мавжуд бўлган ва/ёки «Daryo» интернет-нашрининг муаллифлигини кўрсатувчи ёзув илова қилинган тақдирда йўл қўйилади. Чоп этиладиган баъзи маълумотлар 18 ёшга тўлмаган фойдаланувчиларга мўлжалланмаган бўлиши мумкин. Info@daryo.uz

    © «Simple Networking Solutions» МЧЖ, 2013–2023

    Ёш бўйича чеклов

    Хато топдингизми? Ctrl+Enter тугмаларини босинг

    Нимани қидирамиз?