Ўзбекистон миллий терма жамоаси ва Москванинг “ЦСКА” клуби футболчиси Аббосбек Файзуллаев фаолиятини Туркияда давом эттириши мумкин. Маҳаллий журналист Осман Алтунтеримнинг хабарига кўра, Истанбулнинг “Башакшеҳир” клуби 21 ёшли ўзбекистонлик футболчини сотиб олиш бўйича музокараларни давом эттирмоқда ва ҳозирча жараён ижобий кечмоқда.
Маълумотларга кўра, Файзуллаевнинг ўзи ҳам “Башакшеҳир”га ўтишга рози бўлган. Клублар эҳтимолий трансфернинг молиявий жиҳатлари бўйича келишувга яқин турибди. Барча шартлар келишилган тақдирда Файзуллаев Туркия клубига ўтиши мумкин.
FLAŞ!
— Osman Altunterim (@altunterimos1) July 11, 2025
Başakşehir, Shomuradov’un ardından bir başka önemli ismi de kadrosuna katmak üzere.
Rusya’da CSKA Moskova forması giyen, Özbekistan Milli Takım oyuncusu Abbosbek Fayzullaev’in Başakşehir’e transferinde büyük aşama kaydetti.
Oyuncu Başakşehir’e gelmek istiyor.
Bonservis…
Агар трансфер амалга ошса, Файзуллаев “Башакшеҳир” сафидаги иккинчи ўзбекистонлик футболчига айланади. Аввалроқ Истанбул клуби “Рома”дан Элдор Шомуродовни мавсум охиригача ижарага олган эди.
Эслатиб ўтамиз, Аббосбек Файзуллаев ўтган мавсум “ЦСКА” таркибида барча мусобақалар доирасида 39 та учрашувда майдонга тушиб, 3 та гол ва 8 та голли узатма муаллифига айланган. Футболчининг “армиячилар” билан амалдаги шартномаси 2026 йил ёзигача тузилган. Transfermarkt портали унинг нархини 8 миллион еврога баҳолаган.
Изоҳ (0)