«Манчестер Юнайтед» сўнгги 10 йилда Европада футболчилар учун энг кўп ортиқча пул тўлаган клубга айланди.
Халқаро спорт тадқиқотлари маркази (CIES) 2012 йил июль ойидан бошлаб топ-5 лига клубларининг трансферларини таҳлил қилди. Тадқиқотда CIES ўйинчиларнинг трансфер қийматини (марказ томонидан ишлаб чиқилган махсус статистик модель бўйича ҳисобланган) улар учун тўланган нарх билан солиштирган.
CIES маълумотларига кўра, «Манчестер Юнайтед» сотиб олинган футболчилар учун 238 миллион евро ортиқча тўлаган. Бу Европадаги энг катта кўрсаткич ҳисобланади.
Топ-10 қуйидагича кўриниш олган:
- «Манчестер Юнайтед» – 238 миллион евро (клуб 33 та трансферни амалга оширган)
- «Ювентус» – 234 млн евро (36 та трансфер)
- «ПСЖ» – 162 млн евро (31)
- «Астон Вилла» – 149 млн евро (44)
- «Реал» – 148 млн евро (19)
- «Челси» – 135 млн евро (36)
- «Арсенал» – 129 млн евро (33)
- «Ренн» – 114 млн евро (33)
- «Эвертон» – 97 млн евро (29)
- «Боруссия Д» – 77 млн евро (28).
Изоҳ (0)