Халқаро спорт тадқиқотлари маркази (CIES Football Observatory) сўнгги 10 мавсумда (2012 йилнинг ёзидан бери) трансфер бозорида энг кўп зарар кўрган кучли бешлик клублари рейтингини тузди.
Унга кўра, рейтингда биринчи ўринни «Манчестер Юнайтед» эгаллади. «Қизил иблислар»нинг ушбу даврдаги трансфер баланси минус 1,075 миллиард еврони ташкил этади. Манкунианликлар янги ўйинчиларни сотиб олиш учун 1,545 млрд евро сарфлаган бўлса, футболчиларни сотишдан 470 млн евро ишлаб топган.
«Манчестер Сити» трансферлар бўйича 984 миллион евро йўқотди, 1,699 миллиард евро сарфлади ва 715 миллион евро ишлаб олди. «ПСЖ»да учинчи энг ёмон кўрсаткич: клуб янги ўйинчиларнинг трансфери учун 1,445 миллиард евро сарфлаган ва сотишдан 504 миллион ишлаб топган. Клуб баланси минус 941 миллион еврони ташкил қилади.
«Барселона» эса минус 650 миллион баланс билан рейтингда тўртинчи ўринни эгаллаб турибди. Янги ўйинчиларни сотиб олиш клубга 1,63 миллиард еврога тушган бўлса, футболчиларини сотишдан 980 миллион евро даромад олган.
«Арсенал» минус 583 миллион евро билан рейтингда бешинчи ўринни банд этди. Лондон клуби трансферлар учун 1,029 миллиард евро сарфлаб, 446 миллион ишлаб топди.
Рейтингнинг илк 15 талиги қуйидагича:
6. «Ювентус» (А Серия) – минус 561 миллион евро (981 миллионга сотилган, 1542 миллионга сотиб олинган);
7. «Милан» (А Серия) – минус 432 млн евро (452 млн евро – 884 млн евро);
8. «Эвертон» (АПЛ) — минус 429 млн (482 млн — 911 млн);
9. «Астон Вилла» (АПЛ) – минус 424 млн (277 млн – 70 млн);
10. «Челси» (АПЛ) — минус 413 млн (1201 млн — 1614 млн);
11. «Интер» (А Серия) – минус 385 млн (673 млн – 1058 млн);
12. «Вест Ҳэм» (АПЛ) – минус 374 млн (302 млн – 676 млн);
13. «Бавария» (Бундеслига) — минус 363 млн (452 млн — 815 млн);
14. «Ливерпуль» (АПЛ) — минус 347 млн (781 млн — 1128 млн);
15. «Ньюкасл» (АПЛ) – минус 339 млн (309 млн – 648 млн).
CIES Football Observatory, шунингдек, бу борада энг кўп фойда кўрган клубларни ҳам эълон қилди. Қизиғи, ундан АПЛ жамоалари ўрин олмади.
Бу даврдаги трансферлардан энг кўп даромад олган клуб «Лилл» бўлди: 349 миллион евро. Француз клуби янги келганларни сотиб олиш учун 319 миллион евро сарфлади, футболчиларни сотиш эса клубга 668 миллион даромад келтирди.
«Лион» 247 миллион евро билан рейтингда иккинчи ўринни эгаллаб турибди. Клуб трансферлар учун 439 миллион евро сарфлаган ва сотишдан 686 миллион даромад олган. Кучли учликка «Женоа» якун ясаб берди. Генуяликлар трансферлардан 200 миллион евро ишлаб олди. 265 миллион евро сарфланган, 465 миллион евро даромад.
Рейтингнинг илк 15 талиги қуйидагича:
4. «Удинезе» (А Серия) — плюс 172 миллион евро (416 миллионга сотилган, 244 миллионга сотиб олинган);
5. «Аталанта» (А Серия) — плюс 162 млн евро (554 млнга сотилган, 392 млнга сотиб олинган);
6. «Монпелье» (Лига 1) – плюс 116 млн евро (205 млн, 89 млн);
7. «Атлетик» (Ла Лига) – плюс 115 млн (224 млн – 109 млн);
8. «Сент-Этьен» (Лига 1) – плюс 111 млн (222 млн – 111 млн);
9. «Ҳоффенҳайм» (Бундеслига) – плюс 108 млн (335 млн – 227 млн);
10. «Эмполи» (Серия А) – плюс 100 млн (175 млн – 75 млн);
11. «Бордо» (Лига 1) – плюс 91 млн (224 млн – 133 млн);
12. «Фиорентина» (Серия А) – плюс 88 млн (570 млн – 482 млн);
13. «Монако» (Лига 1) – плюс 86 млн (1104 млн – 1018 млн);
14. «Боруссия Д» (Бундеслига) – плюс 86 млн (892 млн – 806 млн);
15. «Сампдория» (Серия А) – плюс 71 млн (423 млн – 352 млн).
Изоҳ (0)