Англиялик ҳужумчи Маркус Рэшфорд ўз келажагига оид қатъий қарор қабул қилди. Испаниянинг El Nacional нашри хабарига кўра, футболчи ўз агентларига фақат бир нарсани истаётганини айтган – “Манчестер Юнайтед”ни тарк этиб, “Барселона” сафига қўшилиш.
Рэшфорднинг трансфер ҳуқуқи “қизил иблислар”га тегишли бўлса-да, ўтган мавсумни у ижара асосида “Астон Вилла” сафида ўтказди.
Аввалроқ хабар берилишича, “Барселона” инглиз футболчисининг истагини ижобий қабул қилган, бироқ клуб ҳозирча ҳужум чизиғини кучайтириш учун “Ливерпуль” футболчиси Луис Диасни асосий номзод сифатида кўриб чиқмоқда. Агар бу трансфер ўхшамаса, Маркус билан музокара ўтказади.
Шунга қарамай, Рэшфорднинг ўзи “Барселона” қарорини июнь ойининг охиригача кутишга тайёр. Шу билан бирга, 27 ёшли ҳужумчига “Челси”, “Арсенал”, “Астон Вилла”, шунингдек, Италия грандлари — “Интер” ва “Милан” каби клублар ҳам қизиқиш билдирмоқда.
Маркус Рэшфорд ҳозирда “Манчестер Юнайтед”да йилига 10 миллион евро маош олади, бироқ у Испания гранди сафига ўтиш учун маошини камайтиришга тайёр. Айтишларича, “Юнайтед” ўз тарбияланувчиси учун 40 миллион фунт стерлинг (47,2 миллион евро) талаб қилмоқда.
Изоҳ (0)