“Барселона” ёзги трансфер ойнасида бир қанча футболчиларни олиб келиш ҳақида ўйламоқда. Mundo Deportivo нашрининг хабарига кўра, клуб жамоани кучайтириши мумкин бўлган уч нафар асосий номзодни аниқлаб, рўйхат тузиб бўлган.
Рўйхатнинг биринчи поғонасидан “Ливерпуль” футболчиси Луис Диас жой олган. 28 ёшли колумбиялик футболчи мерсисайликлар билан ҳали икки йиллик шартномага эга, бироқ “Барселона” инглиз клуби билан нарх борасида келишувга эришиб, уни ўз сафга қўшмоқчи.
Иккинчи номзод — “Атлетик Бильбао”нинг 22 ёшли ҳужумчиси Нико Уильямс. Баск клуби футболчи учун камида 60 миллион евро талаб қилмоқда ва айнан шу нарх каталонияликлар учун асосий тўсиқ бўлиб турибди.
Захира вариант сифатида “Манчестер Юнайтед” ҳужумчиси Маркус Рэшфорд номзоди кўриб чиқилмоқда. “Барселона” уни дастлаб ижарага олиб, кейинчалик тўлиқ харид қилиш ҳуқуқи билан таркибга жалб этишни режалаштирган.
Клубнинг спорт директори Деко футболчиларга шундай мурожаат қилган: “Агар сиз Каталонияга келишни истасангиз, бу жараённи енгиллаштиринг ва айниқса, маош масаласида муросага тайёр бўлинг.” Унинг таъкидлашича, кимки кўпроқ ташаббус кўрсаца, айнан ўша “Барселона” футболчисига айланиш имкониятига эга бўлади.
Изоҳ (0)