“Челси” ёзда 15 нафаргача футболчиси билан хайрлашиши кутилмоқда 

Аргентиналик мураббий Маурисио Почеттино “Челси”га келгач, раҳбарият таркибда жуда катта ўзгаришлар қилмоқчи.

“Челси” сўнгги икки трансфер ойнасида кўплаб трансферларни амалга оширганидан сўнг таркибдаги футболчилар сони 30 нафардан ошиб кетди. Daily Mail нашрининг хабарига кўра, ёзда жамоани камида 10 нафар футболчи тарк этади.

Пьер-Эмерик Обамеянг, Ҳаким Зиёш, Кристиан Пулишич, Эдуар Менди ва Каллум Ҳадсон-Одоилар “Челси”ни тарк этиши кутилмоқда. Калиду Кулибали, Сесар Аспиликуэта ва Нголо Кантеларнинг келажаги сўроқ остида. 

Шунингдек, Матео Ковачич, Конор Галлаҳер, Трево Чалобе ва Рубен Лофтус-Чикка турли клублардан қизиқишлар мавжуд. Мэйсон Маунтни эса “Манчестер Юнайтед”, “Ливерпуль” ва “Арсенал” ўз сафига қўшиб олиш учун кураш олиб бормоқда. Почеттино футболчи жамоада қолишини хоҳламоқда.

Лондонликлар ушбу футболчи учун 259,5 миллион фунт (деярли 300 миллион евро) сарфлаган. Энди уларнинг сотуви орқали 280 миллион фунт (деярли 325 миллион евро) ишлаб олмоқчи. 

“Аристократлар” Маунт учун 75 миллион фунт, Галлаҳер учун 40 миллион, Ковачич учун эса 35 миллион евро талаб қилади. “Челси” Кристиан Пулишич, Эдуар Менди, Чалоба ва Лофтус-Чикларнинг ҳар бирини 25 миллион фунтдан камига сотмоқчи эмас. 

“Челси”га 37 миллион фунтга тушган Ҳаким Зиёш 15 миллионга баҳоланмоқда. Аспиликуэтани харид қилмоқчи бўлган жамоа 5 миллион фунт тўлашига тўғри келади. 

Канте ва Обамеянг клубни текинга тарк этиши мумкин. Кулибали эса ижарага берилади. 

Жоау Феликс “Атлетико”га, Денис Закария “Ювентус”га қайтди. Маурисио футболчиларга ишонч билдирмади.