“Дарё”да Қашқадарё вилоятида бир қарздорлик учун иккита ижро варақа чиқарилгани, тарафлардан бири бунга норози экани айтилган мақола эълон қилинганди. Вилоят судининг Иқтисодий ишлар бўйича судлов ҳайъати ижро варақа дубликатини бекор қилди.
АТБ “Агробанк” Чироқчи туман филиали 2024 йил 20 сентябрь куни 6662-сонли ариза билан мурожаат қилиб, Қарши туманлараро иқтисодий судининг 4-1801-2203/1242-сонли ҳал қилув қарорига асосан берилган ижро варақа дубликатини сўраган. Қарши туманлараро иқтисодий суди 2024 йил 15 октябрда аризачининг аризасини қаноатлантирган ва 4-1801-2203/1242-сонли индекс-2 ижро варақа дубликатини берган.
2024 йилнинг 21 ноябрь куни ушбу масалани вилоят судининг Иқтисодий ишлар бўйича судлов ҳайъати судья Турсунов раислигида судьялар Бозоров ва Хўжақуловлар иштирокида аппеляция тартибида кўриб чиқиб, Қарши туманлараро иқтисодий судининг 2024 йил 15 октябрдаги ажримини бекор қилди. Аппеляция инстанцияси қарори билан банкнинг 4-1801-2203/1242-сонли индекс-2 ижро варақаси дубликатини бериш ҳақидаги аризаси рад қилинди. Ижро варақасининг дубликати бекор қилинди, дейди бу ҳақда “Дарё”га билдирган МЧЖнинг ишончли вакили.
Мурожаатчи Қашқадарё вилоят суди масъулларига ташаккур изҳор этмоқда.
Судда ҳақиқат қарор топди. Бу давлатимиз раҳбарининг сўнгги йилларда суд-ҳуқуқ тизимида адолат ўрнатиш бўйича берган топшириқлари ижросининг ёрқин мисоли. Адолатли судьялар томонидан бундай қарорларининг қабул қилиниши инсонларнинг айниқса тадбиркорлик субъектларининг давлатга, амалдаги қонунларимизга бўлган ишончини янада оширади, дейди Улуғбек Чориев.
Изоҳ (0)