Europeans for Jerusalem ташкилоти Италиянинг Раи телеканалидан узр сўрашни ва Қуддус Исроилнинг пойтахти эмаслигини эълон қилишни талаб қилди.
Бунга Рим суди томонидан 21 ноябрь куни чиқарилган қарор асос бўлди.
Суд қарорида, Италиянинг Раи телерадиоканали L’Eredita викторинасининг эпизодида тақдим этилган босиб олинган Қуддуснинг ҳуқуқий мақоми тўғрисидаги нотўғри маълумот учун узр сўраши талаб қилинган.
Мазкур викторинада Қуддус Исроилнинг пойтахти сифатида кўрсатилганди.
Ташкилот Рим судининг қарори тарихий фактлар ва Бирлашган Миллатлар Ташкилотининг Қуддуснинг босиб олинган шаҳар эканлигини тасдиқловчи қарорларига мос келишини айтди. Шунингдек, Исроил томонидан бу ерда амалга оширилган чоралар Қуддус Фаластиннинг босиб олинган шаҳри эканлиги ҳақидаги аниқ тарихий фактларни ўзгартирмаслигини маълум қилди.
Europeans for Jerusalem ташкилоти барча халқаро оммавий ахборот воситаларини профессионал стандартларга риоя қилишга ва Исроил ташвиқотига берилмасликка, аксинча, фактларни қандай бўлса, шундай етказишга чақирди.
Оммавий ахборот воситалари фаластинликларнинг азоб-уқубатлари, босиб олинган шаҳардаги ислом ва насронийларнинг муқаддас қадамжоларига статус-кво жорий этишга уринишлар, шунингдек, вайрон қилиш, уй-жойларни тортиб олиш ва аҳолини мажбуран кўчириш сиёсатини холис кўрсатишга ҳаракат қилиши керак.
Биз босиб олинган Қуддуснинг ҳуқуқий мақомига зид бўлган бу нотўғри маълумотлардан сўнг Италия телевидениесига қарши судга мурожаат қилдик. Италия Қуддусни Исроилннинг пойтахти сифатида тан олмайди, деди Италиядаги Фаластин жамияти президенти доктор Муҳаммад Ҳанун.
Шунингдек, у Рим судининг Италия телевидениеси томонидан берилган баёнотлар нотўғри экани бўйича чиқарган қарорига эътибор қаратиб, суд томонидан дастурнинг кейинги қисмида Қуддус Исроилнинг пойтахти эмаслигини билдирган ҳолда узр сўраш талаб қилинганини олқишлади.
Кеча, 20 ноябрь куни Халқаро жиноят суди Исроил бош вазири Биньямин Нетаньяху ва собиқ мудофаа вазири Йоав Галлантни ҳибсга олишга ордер берганди.
Европа дипломатияси раҳбари Жозеп Боррел Европанинг барча мамлакатларини мазку қарорни ҳурмат қилишга ва ижросини таъминлашга чақирди.
Изоҳ (0)