Тошкент вилоятида мантиясиз, баённома юритмай суд ишини кўрган судьянинг огоҳлантирилиши, Тошкент вилоятида ит тишлаган 4 ёшли боланинг аҳволи ҳақида маълумот берилиши, Бойсундаги конда портлатиш ишлари амалга оширилганининг рад этилиши — “Дарё” нашри бугун, 18 октябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Сурхондарёда Nexia-3 юқори босимли газ қувурига урилди
Денов туманидаги 3 минг 950 та аҳоли ва 20 та улгуржи истеъмолчида табиий газ таъминоти вақтинча тўхтатилган.
“Толибон” нега қўшни давлатларга таҳдидли мурожаатлар йўлламоқда. Унга ишонса бўладими?
“Мен ‘Толибон’ ўзгарганига ишонмайман. Афғонистоннинг охирги президенти Ашраф Ғани Кобулни тарк этаётганида ‘Толибон’ ўша эски ‘Толибон’ эканини айтиб кетганди. Бир оз ўйлаб кўрсак, агар ‘Толибон’ дунё давлатлари билан ҳамкорлик қилишга хайрихоҳ экан, нега унда қўшни мамлакатларга таҳдидона мурожаатлар йўлламоқда? Масалан, Қўштепа каналини минтақа давлатлари билан бемаслаҳат қуришни бошлади. Жанубга йўл деймиз, лекин бу лойиҳалар 30 йилдан бери мавжуд. Нега улар ишга тушмаяпти? Буларни амалга ошмаслигига бир дона сабаб мавжуд”, дейди суҳбатдошлардан бири сиёсатшунос Фарҳод Толипов.
Бухорода саксовул ўғрилари 252 млн сўм товон тўлайдиган бўлди
Вилоятда сентябрь—октябрь ойлари давомида саксовул билан боғлиқ 25 та ҳуқуқбузарлик аниқланган.
Мудир вазирга қарши: Олмазор ММТБ мудири директорларга мактаб ошхонасини аукционда сотиш ҳақида топшириқ берди
Рустам Айдинов тумандаги барча мактаб директорларини мактаб ошхоналарини аукцион савдога чиқаришга мажбурламоқда.
Шавкат Мирзиёев Республика ихтисослаштирилган она ва бола саломатлиги маркази жамоасини табриклади
Президент ушбу марказ ташкил этилганининг 50 йиллиги муносабати билан табрик йўллади.
Тошкент вилоятида мантиясиз, баённома юритмай суд ишини кўргани учун судья огоҳлантирилди
Ҳолат юзасидан Судьялар олий кенгаши маълумот берди.
Тошкент вилоятида ит тишлаган 4 ёшли боланинг аҳволи ҳақида маълумот берилди
Ҳолат акс этган видео ижтимоий тармоқларда кенг тарқалганди.
Самарқандда сифатсиз қурилаётган талабалар ётоқхонаси қурилиши тўхтатилди (видео)
Ҳолат инспекция ходимлари томонидан рейд тадбирлари давомида аниқланган.
Шавкат Мирзиёев Имом Термизийга бағишланган халқаро анжуман иштирокчиларига мурожаат йўллади
Анжуманда Туркия, Қатар, Миср, БАА, Ҳиндистон, Қирғизистон каби давлатлардан ташриф буюрган 50 дан ортиқ таниқли олим ва уламолар иштирок этмоқда.
Қашқадарёда судья ёрдамчиси суд раисини судга берди
Собиқ судья ёрдамчиси Фуқаролик ишлари бўйича Қарши туманлараро суди раиси буйруғини бекор қилиш учун айнан шу суднинг ўзига мурожаат қилган.
Бойсундаги конда портлатиш ишлари амалга оширилиши рад этилди
Сурхондарё вилояти ҳокимлиги баёнот билан чиқди.
Ижтимоий ҳимоя агентлиги директорига янги ўринбосар тайинланди
Ушбу лавозимни Мактабгача ва мактаб таълими вазири биринчи ўринбосари бўлиб ишлаган Усмон Шарифхўжаев эгаллади.
Сергелида уй учун кредит олиб бериш эвазига 61 минг доллар олган икки нафар шахс ушланди
Банк филиалининг икки нафар етакчи мутахассиси фуқарога янги қурилаётган уйлардан бирини кредит эвазига харид қилиш учун ипотека кредити ажратиб беришни ваъда қилган.
Мирзо Улуғбек туманидаги кўчалардан бири қарийб 2 ойга ёпилади
Бунга кўчанинг 7/24 тизимига айлантирилишида олиб бориладиган таъмирлаш ишлари сабаб бўлади.
“Ўзбекистон Евросиё иқтисодий иттифоқида кузатувчи мақомида қолади” — Акмал Саидов
Шунингдек, Ўзбекистон ҳеч қандай ҳарбий тузилмаларга қўшилмаслиги айтилди.
Изоҳ (0)