Исроилнинг Эронга қилган ҳужумларидан кейин расмий Теҳроннинг қатъияти, айниқса, Ядро қуролини тарқатмаслик тўғрисидаги шартномадан чиқиш масаласида, эҳтимол янада ортади. Бу ҳақда Кеннеди номидаги Гарвард бошқарув мактабининг ядро энергетикаси бўйича мутахассиси Метю Банн Озарбайжоннинг АnеwZ телеканалига берган интервьюсида маълум қилди.
“Исроилнинг 13 июндаги ҳужуми Эронни ядро қуроли яратишга янада кўпроқ ундаши мумкин. Тахминимча, Теҳрон дастурни чуқур сир сақлаш режимига ўтказишга ҳаракат қилади. Агар башорат қилишим керак бўлса, афсуски, шуни айтардимки: бу ҳужумдан сўнг Эроннинг кейинги ўн йил ичида ядро бомбасига эга бўлиш эҳтимоли камайиш ўрнига ортади. Эрон, эҳтимол, янада қатъиятли бўлиб, халқаро инспекторларни чиқариб юборади, ЯТШдан чиқади ва ёпиқ объектларда ишланмаларни давом эттиради”, деди Метю Банн.
Худди шундай фикрни Теҳрон университети профессори Муҳаммад Маранди ҳам Озарбайжоннинг билдирган.
Унинг таъкидлашича, Эроннинг жавоби ҳалокатли бўлади ва Исроил режимини чуқур пушаймон қилади. Эрон Исроил режимини жазолайди.
“Умид қиламанки, АҚШ президенти Дональд Трамп бунга аралашмаслик учун етарлича ақл-идрокка эга, чунки барчамизга маълумки, дунё нефти ва газининг катта қисми Форс кўрфази минтақасида қазиб олинади. Агар Америка базалари Форс кўрфазининг нариги томонидаги мамлакатларда жойлашган бўлса ва Қўшма Штатлар Эронга ҳужум қилса, бу майда араб диктатуралари шерик бўлиб қолади. Бу эса нефть бозоридаги вазиятни шундай ўзгартирадики, натижада жаҳон иқтисодиёти, шу жумладан сиз турган жойдаги иқтисодиёт ҳам инқирозга учрайди. Шунинг учун, менимча, Трампнинг бунга аралашмаслиги учун етарлича ақл-идрокка эга бўлишини Аллоҳдан сўрашингиз керак”, дейди профессор Муҳаммад Маранди.
13 июнга ўтар кечаси Исроил қўшинлари Эронга қарши ҳарбий операция бошлаб, Ислом Республикасининг бир неча аҳоли пунктларидаги объектларга зарбалар берди. Жумладан, Теҳрондаги Ислом инқилоби қўриқчилари корпуси (ИИҚК) штаб-квартираси ҳам нишонга олинган.
Кейинроқ Эрон Атом энергияси ташкилоти (ИАЭТ) раҳбари Муҳаммад Эсломий Исроил ҳужумлари натижасида Натанздаги ядровий объектга жиддий зарар етмаганини маълум қилди.
Исроил бош вазири Биньямин Нетаньяху Исроилнинг Эронга қарши ҳарбий операцияси 2024 йил ноябрь ойиданоқ режалаштирилиб, дастлаб апрель ойи охирига белгиланган билдирди.
Изоҳ (0)