АҚШ президенти Дональд Трамп 13 июнга ўтар кечаси Исроил ҳарбий самолётлари Эронга ҳужум қилишидан бир неча соат олдин ҳудди шу вазиятдан қочишга умид қилганини айтган. Бу ҳақда CNN хабар берди.
“Мен бундай бўлишини хоҳламайман, чунки бу вазиятни ўзгартириб юборади”, деди Трамп Теҳроннинг ядровий амбицияларини чеклаш учун дипломатик саъй-ҳаракатларини назарда тутиб.
Исроил АҚШнинг ҳеч қандай иштирокисиз Эронга қарши ҳаракат бошлагани айтилмоқда. Аммо Эрон бу ишда АҚШнинг ҳам “қўли борлигига ишонишини” маълум қилганди.
Трамп энди ўз партиясидаги рақобатчи оқимлар ўртасида қолиб кетиши айтилган. 12 июнь куни кўплаб республикачилар Исроилни қўллаб-қувватлаган. Жумладан, Линдси Грем Хʼда “Ўйин бошланди” деб ёзиб қолдирган.
Трамп ҳеч қачон, хусусан, иккинчи муддатида, ўз партиясининг ташқи сиёсатидаги бу кескинликни тўлиқ қабул қилмаган. Унинг маъмурияти вице-президент ва амалдорлар билан тўлиб-тошган. Уларнинг аксарияти Америка манфаатларини ифодаламасдан, АҚШнинг хориждаги ҳарбий иштирокига чуқур шубҳа билан қарайди.
Трамп Исроилни Эроннинг кутилаётган жавобидан ҳимоя қилиш учун Америка ҳарбий активларидан фойдаланишга тайёрлиги ҳақида ҳеч қандай сигнал бермаган. 2024 йили Исроил ва Эрон ўртасида зиддият бўлганида собиқ президент Жо Байден ҳарбийларни ишга солган эди. Ўшанда Американинг ёрдамисиз Исроил ҳаво мудофааси Эроннинг йирик ҳужумига дош бера олмаслиги мумкинлиги айтилганди.
АҚШ яқинда Яқин Шарқдаги америкалик ходимларни ҳимоя қилиш мақсадида уларнинг баъзиларини эвакуация қилиш ҳақида қарор қилган эди. Эронни эса АҚШни жангга тортмаслик ҳақида огоҳлантириб келаётган эди. Исроилнинг оҳирги ҳужуми АҚШ президенти ва унинг маъмурияти учун кутилмаган ҳодиса эмаслиги таъкидланган.
Манбаларнинг айтишича, 12 июнь куни Трамп Нетаньяхунинг яқин орада зарба беришини билган ва уни тўхтатишга бир неча бор уринган. АҚШ давлат котиби Марко Рубио қисқа баёнот билан АҚШнинг бу ҳаракатга алоқаси йўқлигини маълум қилган.
“Бугун тунда Исроил Эронга қарши бир томонлама зарба берди. Биз Эронга қарши зарбаларда иштирок этмадик. Бизнинг устувор вазифамиз минтақадаги Америка кучларини ҳимоя қилишдир. Исроил бизга бу ҳаракатни ўзини ҳимоя қилиш учун зарур деб ҳисоблашини айтди. Президент Трамп ва маъмурият кучларимизни ҳимоя қилиш ва минтақавий ҳамкорларимиз билан яқин алоқада бўлиш учун барча зарур чораларни кўрди. Аниқ қилиб айтаман: Эрон АҚШ манфаатлари ёки ходимларини нишонга олмаслиги керак”, деди Рубио.
Изоҳ (0)