Исроил бир кечада Эронга ядровий объектлар, ҳарбий қўмондонлар ва олимларни нишонга олиб, ҳужум уюштирганидан сўнг фонд бозорларида силжиш кузатилган ва нефть нархи кескин ошиб кетган. Бу ҳақда The Guardian хабар берди.
“Агар бу уруш оқибатида нефть нархининг сезиларли даражада ошиши кузатилса, иқтисодиётга катта таъсир кўрсатади”, деди Берлин иқтисодиёт институти бош иқтисодчиси Гералдине Дени-Кнедлик.
Дени-Кнедлик истеъмолчилар кайфиятига ёқилғи нархининг ошиши таъсир қилишини таъкидлаб, шундай деди:
“Хусусий уй хўжаликларига Европа Марказий банкининг эълонлари камроқ таъсир қилса, бензин ва дизель нархлари кўпроқ таъсир қилади”.
АҚШ фонд бозорида савдолар пасайиши кутилмоқда
Фьючерс бозорига кўра, Dоw Jones саноат ўртача кўрсаткичи ва S&P 500 акция индекси 1,2 фоизга пасайиши мумкин.
Интерактив инвестор бозорлари бўлими бошлиғи Ричард Хантер шундай дейди:
“Исроил бир кечада Эрон ядровий дастурига ҳужум қилгани сабабли Яқин Шарқдаги кескинликнинг кучайиши глобал бозорларни ларзага солмоқда.
Ҳозирда Dоw Futures ҳужум оқибатида пасайиб кетмоқда. Ҳужумдан сўнг олтин каби активларни сақлашга интилиш муқаррар эди. Нефть нархи эса бир кечада 7 фоиздан кўпроққа ошиб кетди. Бу эса йил давомидаги йўқотишларнинг энг кучлиси бўлди.
Айниқса, ҳужумга жавоб глобал оқимларнинг тахминан 20 фоизи бошқариладиган Ҳурмуз бўғозига қаратилса, таъминот янада қисқариши мумкин”.
Европа бозорларида пасайиш қайд этилди
Европа фонд бозорлари глобал равишда нарх тушиб кетган. Сабаби Яқин Шарқдаги кескинлашув хавфсизлик кайфияти тўлқинини келтириб чиқарган. Қуйида пасайиб кетган асосий индекслар келтирилган:
- Германия - DAX: -1,35 фоиз
- Франция - SAC: -1,2 фоиз
- Италия - FTSE MIB: -1,45 фоиз
- Испания - IBЕХ: -1,55 фоиз
BP (+2 фоиз) ва Shell (+2,1 фоиз) нефть компаниялари акциялари бир кечада нефть нархининг кескин кўтарилиши ортидан қимматлашган.
Олтиннинг спот нархи 1 фоизга ошиб, бир унсия учун 3418 долларни ташкил этган ва апрель ойида ўрнатилган 3500 доллар миқдоридаги энг юқори кўрсаткичга етган
Исроил Эрон ядровий объектларида ҳарбий операция бошлаганидан кейин Осиё-Тинч океани фонд бозорларидаги акциялар ҳам кескин арзонлашган. Хусусан, Япониянинг Nikkei компанияси 1 фоизга, Жанубий Кореянинг КOSPI компанияси 0,85 фоизга ва Хитойнинг SSI300 компанияси 0,66 фоизга пасайган.
Изоҳ (0)