Исроил расмийлари Эронга ҳужум қилишга тайёргарлик ҳақидаги ҳужжатлар Америка ОАВга сизиб чиққанидан кейин уни кечиктиришга қарор қилди, деб ёзади Тҳе Times ўз манбасига таяниб. Унга кўра, Исроил расмийлари муқобил режа устида ишламоқда.
Нашрнинг аниқлик киритишича, Исроил бу маълумотларнинг тарқалиши Эронга ҳужум шаклларини тахмин қилишга ёрдам бериши мумкинлигидан хавотирда.
“АҚШ ҳужжатларининг ошкор этилиши маълум стратегия ва таркибий қисмларни ўзгартириш зарурати туфайли ҳужумни кечиктирди. Қасос олинади, аммо бу кутилганидан кўпроқ вақт талаб қилди”, — деди нашрнинг разведкадаги манбаси.
1 октябрь куни Эрон Исроил ҳудудига 180 дан ортиқ баллистик ракета учирди ва буни "Ҳизбуллоҳ" бош котиби Ҳасан Насруллоҳнинг ўлдирилишига жавоб деб атади. Исроил оммавий равишда ҳужумга жавоб беришга ваъда берди.
18 октябрь куни интернетда “ўта махфий” деб белгиланган ҳужжатлар сиздирилди. Унда Исроил қўшинларининг ҳаракати ва яҳудий давлатининг Эронга ҳужумга тайёргарлиги ҳақида маълумотлар бор эди.
Эълон қилинган файлларда Исроил Эронга ҳужум қилиш учун ҳаво-ер ракеталаридан фойдаланишни машқ қилаётгани кўриш мумкин эди. Бундан ташқари, ҳужжатлар Исроилнинг ядро қуролига эга эканлигини билвосита тасдиқлайди, гарчи мамлакат расмийлари буни рад этган бўлса ҳам.
АҚШ маълумотлар сизиб чиқиши билан боғлиқ ҳолатни текширмоқда.
Изоҳ (0)