АҚШ президенти Дональд Трамп, Россия раҳбари Владимир Путин ва ХХР раиси Си Цзиньпин сентябрь бошида Хитойда учрашув ўтказишлари мумкин. Бу ҳақда Тhе Times газетаси манбаларга асосланиб хабар бермоқда.
Газетанинг ёзишича, Вашингтон ва Пекин ўртасида бир қатор савдо келишувлари имзоланганидан сўнг, Америка раҳбари сентябрь ойидаги саммит доирасида раис Си ва президент Путин билан учрашувга таклиф этилиши мумкин.
Таъкидланишича, айнан шу келишувлар Трампнинг Хитойга нисбатан душманлик муносабатини юмшатган.
Ушбу саммит 3 сентябрь куни Тянанмен майдонида ўтказиладиган парад билан нишонланадиган Иккинчи жаҳон уруши тугаганининг 80 йиллигига тўғри келиши эҳтимоли мавжуд.
Тhе Times Хитой жамоатчилигида аллақачон бу имкониятдан фойдаланиб, учрашув уюштириш бўйича чақириқлар янграётганига эътибор қаратган.
Шунингдек, хитойлик шарҳловчи Сзин Сзанжуннинг Guancha портали билан суҳбат давомида 1941 йилдан 1945 йилгача Хитой ва АҚШ япон милитаризмига қарши курашда иттифоқчи бўлганини эслатиб, агар Оқ уй раҳбари Хитойга ташриф буюриб, 3 сентябрдаги парадда иштирок этса, бу дунёга кучли ижобий сигнал юбориши мумкинлигини таъкидлаган.
“Хитой, Россия ва Америка раҳбарларининг ёнма-ён турган манзараси тинчлик ва барқарорликнинг қудратли рамзига айланиши мумкин”, деди Сзин Сзанжун.
Апрель ойида Newsweek нашри АҚШ, Хитой ва Россия ўртасида яқин келажакда дунёнинг тахминий бўлиб олиниши тасвирланган харитани эълон қилганди.
Изоҳ (0)