Дональд Трамп Жо Байденни Россия ва Хитой ўртасидаги алоқаларни мустаҳкамлашга ёрдам берганликда айблади. У сайловларда ғалаба қозонса, Москва ва Пекинни “ажратиб юборишга” ваъда берди.
“Байден Россия ва Хитойни янада яқинлашишига йўл қўйиб берди. Бу шармандалик! Мен уларни ажратишим керак. Буни қила оламан, деб ўйлайман”, деди Трамп америкалик журналист Такер Карлсонга берган интервьюсида.
Жорий йилнинг майида Владимир Путин Пекинга ташриф буюриб, Хитой раҳбари Си Цзиньпин билан учрашган эди. Август ойида Россия президенти Кремлда Хитой Давлат кенгаши раиси Ли Цянни қабул қилган, сентябрь ойида эса Хитой Халқ Республикаси раиси ўринбосари Хань Чжэн билан учрашган эди.
Октябрь ойи ўрталарида Россия Мудофаа вазирлиги раҳбари Андрей Белоусов Пекинга ташриф буюрди. Хитой ҳукумати Россия армияси билан ҳамкорликни кучайтириш тарафдори.
АҚШда президентлик сайловлари келаси сешанба, 5 ноябрь куни бўлиб ўтади. Президентлик учун Дональд Трамп ва АҚШ вице-президенти Камала Ҳаррис курашмоқда.
Изоҳ (0)