Тошкент шаҳар Сергели туманининг Обиҳаёт кўчасида автомобиллар ва йўловчилар учун ҳаракат вақтинча чекланади. Бу ҳақда Транспорт вазирлиги хабар берди.
Маълум қилинишича, 2025 йил 19 июлдан 18 августга қадар Сергели тумани Обиҳаёт кўчасида иссиқ сув қувурларини алмаштириш ишлари олиб борилади. Шу муносабати билан мазкур кўчада автотранспорт воситалари ҳаракати вақтинча чекланади.
Мазкур давр мобайнида айрим автобус йўналишлари ҳаракати ўзгартирилади. Жумладан, 184-сонли йўналиш ҳаракати Сергели Ярмарка бекатигача қисқартирилади.
Шу билан бирга, 40 ва 143-сонли йўналишлар ҳаракати Янги Сергели йўли — Сўғдиёна — Жалойир —Обиҳаёт (ёпилмаган қисми) кўчалари орқали вақтинча ўзгартирилади.
Эслатиб ўтамиз, 18 июлдан 22 июлгача Шайхонтоҳур туманидаги Беруний кўчаси кесишмасидан Бешқайрағоч кўчаси чорраҳасигача бўлган қисми ёпиқ бўлади. Бунга мазкур йўлда қурилиш-монтаж ишлари олиб борилиши сабаб сифатида келтирилган.
Шу муносабат билан айрим автобус йўналишлари муқобил кўчалар орқали ҳаракат қилади.
34-сонли автобус Шифокорлар шаҳарчаси—“Чилонзор” метро бекати йўналишида Беруний кўчаси—Нурафшон—Кўкча дарвоза кўчаси орқали ҳаракатланади. Қайтиш йўналиши ўзгаришсиз.
64-сонли автобус “Пахтакор” метро бекати—Бирлик мавзеси йўналишида Нурафшон—Кўкча дарвоза кўчаси орқали ҳаракатланади.
87-сонли автобус Қорақамиш 2/4 мавзеси—Чилонзор 30-даҳа йўналишида Беруний—Нурафшон—Кўкча дарвоза кўчасидан юради.
116-сонли автобус Шифокорлар шаҳарчаси—Чилонзор буюм бозори йўналишида Беруний—Нурафшон—Кўкча дарвоза кўчаси орқали ҳаракатланади.
131-сонли автобус Олимпия меҳмонхонаси—Дўстлик-2 мавзеси йўналишидан Беруний—Нурафшон—Кўкча дарвоза кўчаси орқали юради.
147-сонли автобус “Чорсу” савдо маркази АШБ—Чинни бозори йўналишида Беруний—Нурафшон—Кўкча дарвоза кўчаси орқали ҳаракатланади.
Бошқарма йўл ҳаракати иштирокчиларидан муқобил йўллардан фойдаланишни тавсия қилган.
Изоҳ (0)