НАТО раҳбари Марк Рютте “Хитой илтимосига биноан Россия альянс ҳудудига ҳужум қилиши мумкин”лигини айтди. Бу ҳақда у The New York Times газетасига берган интервьюсида маълум қилди.
Агар Хитой Тайванга нисбатан куч ишлатишга қарор қилса, Хитой раҳбари Си Цзиньпин Россия президенти Владимир Путиндан НАТО ҳудудига ҳужум қилиб, европаликларнинг эътиборини Ҳинд-Тинч океани минтақасидаги вазиятдан чалғитишни сўраши мумкин, деди у.
Рюттенинг фикрича, бундай сценарий эҳтимоли тобора ортиб бормоқда. Шу муносабат билан у Пекин ва Москвани тийиб туриш учун иккита асосий қадамни зарур деб ҳисоблайди.
1. “Россия ҳеч қачон ҳужум қилмаслиги учун” Ғарб иттифоқини жамоавий кучайтириш.
2. Ҳинд-Тинч океани минтақаси билан мудофаа саноати ва инновациялар соҳасида ҳамкорлик қилиш. Рютте бундай ҳамкорликни президент Дональд Трамп бошчилигидаги АҚШ маъмурияти фаол тарғиб қилаётганини айтди.
Биз улкан геосиёсий муаммога дуч келмоқдамиз. Бу, аввало, яқин тарихда мисли кўрилмаган тезликда тикланаётган Россияга тааллуқли. Ҳозирда улар уч ой ичида НАТОнинг барча аъзолари бир йилда ишлаб чиқарадиган ўқ-дорилардан уч баравар кўп миқдорда ишлаб чиқармоқда, дея таъкидлади у.
Хитой Россиянинг Украинага қарши урушида нейтрал позицияни эгаллаб келади ва тинчликка чақиради. Мамлакат Москва билан фаол алоқаларни давом эттирмоқда. Икки давлат раҳбарлари Владимир Путин ва Си Цзиньпин кўп марта учрашган. Хитой Россиянинг энг йирик савдо шериги ҳисобланади.
Изоҳ (0)