Кўпчилик учун куннинг энг ёқимсиз қисми эрталаб ҳисобланади. Биз ҳар куни бир хил одатларни такрорлаймиз. Афсуски, уларнинг баъзилари теримиз учун унчалик фойдали эмаслиги аниқланган.
Қаҳва, қаҳва ва яна қаҳва
Агар сиз ҳам эрталаб бир чашка қаҳва ичиб, йўлда яна бир стакан ароматик ичимлик олиб, ишга кирсангиз, бу одат тери учун мутлақо фойдали эмас. Ортиқча кофеин танани сувсизлантиради, бу эса эрта ажинлар ва терининг қуришига олиб келади. Қаҳвадан бутунлай воз кечиш шарт эмас, аммо ҳар бир чашкадан кейин сув ичишни одат қилинг — терингиз бунинг учун миннатдор бўлади.
Ҳаддан ташқари тозалаш
Шуни ёдда тутинг: уйғонганингиз заҳоти терингизга кечқурун ишлатадиган барча воситалар керак эмас. Илиқ сув билан ювиниш ва намловчи крем суриш кифоя. Терингиз сизга раҳмат айтади.
Жисмоний ҳаракатнинг йўқлиги
2015 йилда Aging Cell журналида чоп этилган тадқиқотга кўра, мунтазам жисмоний фаоллик ҳужайраларнинг қаришини секинлаштиради. Кун бўйи спорт залида қолиш шарт эмас, кунига 20–30 дақиқа машқ қилиш кифоя.
Сивороткаларни эътиборсиз қолдириш
Антиоксидантли сивороткалар кундалик гўзаллик тартибининг муҳим қисми саналади. Эркин радикаллар таъсирида тери тезроқ қарийди. Бунинг олдини олиш учун C, E витаминлари, ферулик кислота, кўк чой ёки ликопин каби таркибий қисмлар мавжуд бўлган сивороткаларни ишлатиш тавсия этилади. Сивороткани эрталаб намловчи кремдан олдин суринг.
Кўз атрофини унутиш
Кўзлар — бу қалб ойнаси, лекин майда ажинлар ва осилган тери бу гўзалликка ярашмайди. Шу сабабли кўз атрофидаги терига алоҳида эътибор бериш керак. Гиалурон кислотаси ёки кофеинли маҳсулотларни танланг. Улар кўз тагидаги қора доғларни ва юмшоқ тери муаммоларини яхши ҳал қилади. Ёз ойларида қуёшдан ҳимоя қилувчи кўзойнакларни сумкангиздан ҳеч қачон олиб қўйманг.
Изоҳ (0)