Баъзи нарсаларни уйда тайёрлаш нафақат арзон, балки фойдали ва кўпинча дўкондан олинган маҳсулотларга қараганда самарали бўлади. Қуйида ўзингиз мустақил тайёрлашингиз мумкин бўлган маҳсулотлар ва нимада тежамкорлик қилмаслик кераклиги ҳақида сўз юритилди.
Юз учун ниқоб
Сиз акнедан халос бўлиш учун тиш пастаси ёки ош содасидан фойдаланганмисиз?
Агар шундай бўлса, демак, бу ишни қилган ягона одам эмассиз. Мен акне устига сирка суртганман, теримни гилос билан ишқалаганман — буларнинг барчаси фақат теримга зарар келтирган, холос. Соч учун пиёз шарбатидан тайёрланган ниқоб эса бош теримни шунчалик безовта қилганки, оқибатда сочларим тўкила бошлаган. Яхшиямки, дерматологга мурожаат қилганман. Энг муҳим хулосам? Табиий ва уй шароитидаги воситалар ҳар доим ҳам энг яхшиси бўлавермайди, дейди Лорен Кляйн.
Доктор Гита Ядов шундай дейди,— одамлар кўп ҳолларда косметик воситалар таркибидаги консервантларни хавфли деб ҳисоблайди. Аслида эса уларнинг таркибидаги консервантлар хавфсиз дозада ишлатилади.
Чучвара ва гранула
Чучвара тайёрлаш вақт талаб қилади. Лекин уйда ўзингиз тайёрлаган чучваралар нафақат мазали, балки арзонроқ ва консервантсиз табиий таом бўлади. Болаларни ҳам тайёрлаш жараёнига жалб қилинг — уларга хамирни доира шаклида кесишни топширинг.
Гранула соғлом нонушта сифатида тўғри овқатланиш тарафдорлари томонидан тавсия қилинади. Дўкондаги нархлари эса анчагина қиммат. Аслида эса бу шунчаки сули ёрмаси, ёнғоқлар, уруғлар ва қуритилган меваларнинг асал ёки сироп билан аралашмаси.
Уни уйда тайёрлаш анча арзон ва сиз уни ўз хоҳишингизга кўра амалга оширишингиз мумкин: масалан, асос сифатида глутенсиз сули ёрмасини танлаш. Агар ёнғоққа аллергия бўлса — фақат уруғлар ва қуритилган мевалар (ёки резаворлар)дан фойдаланиш мумкин. Шакар солмаслик ҳам мумкин.
Музлатилган резаворлар
Катта супермаркетларда музлатилган резаворлар сотилади. Аммо ўзингиз териб олган ва уйда музлатилган мевалар ҳам кейинги мавсумгача музлаткичда яхши сақланади.
Улардан уй шароитида ажойиб, хушбўй ичимлик тайёрлаш мумкин.
Универсал тозаловчи восита
Дўконларда сотиладиган универсал тозаловчи воситаларнинг кўпи, асосан, сув, ҳид берувчи моддалар ва кимёвий таркибдан иборат бўлади. Агар сиз уларни уй шароитида тайёрласангиз ҳам арзон, ҳам самарали, ва хавфсиз бўлади.
Керак бўлади:
- 1 стакан сирка
- 1 стакан сув
- 1 чой қошиқ идиш ювиш гели
- 10 томчи хушбўй эфир мойи
Ушбу восита безарар ҳамда кўплаб жиҳозларни тозалаш учун мўлжалланган (мармар ва гранитдан ташқари).
Изоҳ (0)