Elle нашри овқатланиш мутахассиси билан биргаликда қандай одатлар терининг навқиронлиги ва эластиклигини, гўзаллиги ва ёшлигини узоқ вақт давомида сақлашга ёрдам беришини аниқлади.
Ҳамма соғлом, бақувват ва ёшроқ бўлишни хоҳлайди. Овқатланиш эса тана ҳолатига ва умумий ҳаёт сифатига таъсир этувчи энг муҳим омиллардан биридир. Нима, қанча ва қачон истеъмол қилиш, албатта, ташқи кўринишга, фаолиятга ва ҳиссий ҳолатга таъсир қилади. Кўпинча, масалан, ортиқча вазннинг мавжудлиги бир қатор ноқулайликлар ва ҳатто эстетик, жисмоний ва психологик муаммолар билан кечишини инкор этиш қийин.
Ортиқча вазн – нотўғри овқатланиш одатининг ягона натижаси эмас. Шунингдек, одам юз ва тана териси сифатининг ёмонлашиши, сочларнинг тўкилиши, тирноқларнинг мўртлашишини кузатиши мумкин. Соғлом овқатланиш одатлари қарилик белгиларининг бошланишини сезиларли даражада кечиктиришга ва анча ёшроқ кўринишга ёрдам беради.
Ортиқча овқатланишдан сақланиш
Етарли даражада овқатланиш керак, лекин ортиқча эмас. Бунинг учун истеъмол ҳажмини аниқлаш муҳим аҳамиятга эга. Истеъмол ҳажмини аниқлашнинг энг осон усули – кафт ўлчами.
Рационни танлаш ва унга риоя қилиш
Энг яхши вариант — учта асосий таом: нонушта, тушлик, кечки овқат ва улар орасида икки марта енгил тановул қилиш.
Парҳезни мувозанатлаштириш
Тўлиқ ишлаш учун танага етарли миқдордаги оқсил, ёғ ва углеводлар керак. Шунингдек, ушбу тизим бўйича ўртача стандартларга риоя қилиш лозим, яъни 30 оқсил / 30 ёғ / 40 углевод. Қолаверса, шахсий диетани танлайдиган диетолог билан маслаҳатлашиш зарур.
Сифатли маҳсулот танлаш
Нима ва қандай шаклда истеъмол қилиш катта аҳамиятга эга. Шунинг учун парҳезбоп усуллар билан тайёрланган таомларга устунлик бериш керак. Қайнатилган, буғда пиширилган каби. Шунингдек, янги сабзавотлар ва мевалардан кўп истеъмол қилиш тавсия этилади.
Сув балансини сақлаш
Сув метаболизмни тезлаштиради ва терининг сифатини яхшилайди, ортиқча вазнни камайтиришга ёрдам беради. Турмуш тарзини ва овқатланишга бўлган муносабатни ўзгартиришни истаганлар алкалинли диетага диққат билан қараши лозим. Бу танани кислоталайдиган озиқ-овқат маҳсулотларини қисман ёки тўлиқ рад этиш орқали озиқланиш тизимидир. Ҳар қандай озиқ-овқат ҳазм бўлгач, организмда кислотали ёки ишқорий реакция ҳосил қилади. Ишқорлардан фарқли ўлароқ, кислоталар танани жуда истамай тарк этади ва тўпланишга мойилдир. Кислота ва ишқор ўртасидаги табиий мувозанат бузилган тақдирда, турли касалликлар ривожланади, саломатлик ҳолати ёмонлашади ва қариш жараёни тезлашади. Шунинг учун олдиндан мутахассис билан маслаҳатлашиш ва керакли текширувлардан ўтиш лозим.
Изоҳ (0)