Қуёшдан ҳимояловчи кремни тўғридан-тўғри қуёш нурлари остида ёки юқори ҳароратда қолдириш мумкин эмас. АҚШнинг Озиқ-овқат ва дори-дармонларни назорат қилиш бошқармаси (FDA) SPF воситаларидан фойдаланишдаги тез-тез учрайдиган хатоларга ишора қилди, деб ёзади HuffPost.
Мутахассислар юқори ҳароратда SPFли косметика воситалари ҳимоя хусусиятларини йўқотиши ҳақида огоҳлантирди. Шу сабабли тери ултрабинафша нурларининг юқори дозаларига дучор бўлади, бу эса куйиш ва тери саратони хавфини оширади.
Бунга йўл қўймаслик учун FDA мутахассислари кремни салқин жойда сақлашни ва уни уйда суртишни маслаҳат беришади. Агар сиз кўчада икки соатдан кўпроқ вақт бўлишни режалаштирмоқчи бўлсангиз, кремни контейнерга ёки сумкага солиб, сўнгра сочиқ билан ўраш керак. Шундай қилиб, крем қутисидаги ҳарорат секинроқ кўтарилади.
Шунингдек, мутахассислар аксарият одамлар терини ҳимоя қилиш учун етарли бўлмаган миқдорда крем суртишига эътибор қаратди. Пляжда ҳар икки соатда олти-саккиз чой қошиқ кремдан фойдаланиш тавсия этилади.
Бундан ташқари, қуёшдан ҳимояловчи кремлардан фойдаланганда бошқа хавфсизлик чораларини ҳам эътибордан четда қолдирмаслик керак: қуёшли ҳавода сояда бўлишга ҳаракат қилиш, шляпа, кўзойнак ва енглари узун енгли кийим кийиш керак.
Изоҳ (0)