Европа ва АҚШ Украинани қўллаб-қувватлаш масаласида ўзаро фарқли позицияларга эга эканлиги аниқ, бироқ Европа Иттифоқи Америкага муҳтож ва у билан иложи борича узоқроқ ҳамкорлик қилишни истайди. Бу ҳақда Бельгия бош вазири Барт де Вевер Европа Иттифоқи давлатларининг навбатдаги саммити бошланишидан олдин бегран баёнотида ма`лум қилди.
“Украина масаласида энди ягона нуқтаи назаримиз йўқлиги аён. Менимча, Европа бундан сабоқ чиқариши, стратегик жиҳатдан кучлироқ бўлиши лозим. Жойларда америкаликларнинг ўрнини босиш учун имкониятларимиз етарли эмас. Шу боис биз уларга боғлиқмиз. Умид қиламизки, улар биз билан имкон қадар узоқроқ ҳамкорлик қилишади. Аммо, афсуски, Европада Украина тарафдори позицияси Қўшма Штатларга қараганда аниқроқ ифодалангани кўриниб турибди”, деди у.
Шунингдек, Бельгия бош вазири Европа Иттифоқи саммитида Украина тарафдори позициясини намойиш этиш зарурлигини таъкидлаган. Унинг айтишича, НАТО саммити бу борада муваффақиятсизликка учраган.
“НАТО саммити вақтида Украина у ерда бўлгани, аммо музокаралар столида ўтирмаганидан афсусдаман. Зеленский саммитнинг норасмий қисмида иштирок этди, бироқ учрашув пайтида эмас. Менимча, бу ҳақиқатан ҳам ачинарлı ҳол. Бугун Европа биз ҳали ҳам Украина билан тўлиқ эканлигимизни кўрсатиши керак. Украина тарафдори бўлмаган Венгриядан ташқари 26 та давлат, биз Украина халқини қўллаб-қувватлаётганимизни намоён этишимиз лозим”, деди Бельгия бош вазири.
Бундан аввал Польшанинг янги сайланган президенти Карол Навроцкий Украинанинг Европа Иттифоқига қўшилишига қарши чиққанди. Венгрия бош вазири Виктор Орбан Facebookъдаги саҳифасида Украинани Европа Иттифоқи ва НАТОга қабул қилиш мумкин эмас, чунки бу Ғарб давлатларининг Россия билан урушга киришишига олиб келишини билдирганди.
Изоҳ (0)