Ўзбекистоннинг Исроилдаги элчихонаси ушбу мамлакатда яшаётган ўзбекистонликларга мурожаат қилди.
Жумладан, мамлакатда мураккаб вазият вужудга келаётганлигини эътиборга олиб фуқаролар ўзининг шахсий хавфсизлик чораларини кўриши ва ракета отишмалари пайтида бошпаналарни тарк этмаслик тавсия этилди.
Шунингдек, заруриятсиз кўчага ва бошқа кўнгилочар жойларга бормаслик қўшимча қилинди.
Шу билан бирга, элчихонага ўта зарур бўлмаган ҳолларда консуллик хизматларини олиш учун келишни вақтинча тўхтатиб туриш сўралди.
Элчихона консуллик бўлими ишонч телефонлари:
- 03-672-2466
- 03-672-2371
- 03-758-5075
- 03-758-5076
Фавқулодда ҳолатларда ва шошилинч хабарлар учун:
- +972 54 485 1397
13 июнь куни кечқурун Эрон томонидан кўп миқдорда ракеталар Исроил ҳудудига учирилгани ҳақида хабар берилганди. Аҳолига хавфсиз жойларга яшириниб, кейинги кўрсатмаларни кутиш тавсия этилган.
13 июнга ўтар кечаси Исроил қўшинлари Эронга қарши ҳарбий операция бошлаб, Ислом Республикасининг бир неча аҳоли пунктларидаги объектларга зарбалар берди. Жумладан, Теҳрондаги Ислом инқилоби қўриқчилари корпуси (ИIQК) штаб-квартираси ҳам нишонга олинган.
Кейинроқ Эрон Атом энергияси ташкилоти (ИАЭТ) раҳбари Муҳаммад Эсломий Исроил ҳужумлари натижасида Натанздаги ядровий объектга жиддий зарар етмаганини маълум қилди.
Изоҳ (0)