Гидеон Лустиг Исроилнинг Ўзбекистондаги фавқулодда ва мухтор элчиси этиб тайинланди. Бу ҳақда элчихона матбуот хизмати маълум қилди.
27 август куни у Ўзбекистондаги яҳудий жамоалар раҳбарлари билан учрашди.
“Тошкентдаги биринчи ҳафтамдаги устувор вазифалардан бири маҳаллий яҳудий жамоалари раҳбарлари билан учрашиш эди. Владимир Шапира ва Аркадий Исахаровга илиқ қабул учун миннатдорчилик билдираман. Яҳудий жамоалари мен учун ҳар доим уйдан ташқари уйдир” — деди Гидеон Лустиг
Гидеон Лустиг Ўзбекистон билан бир қаторда Тожикистонда ҳам дипломатик миссиясини бажаради. Элчи этиб тайинланишидан аввал 2022 йилдан буён Исроил Ташқи ишлар вазирлиги сиёсий директори штаб бошлиғи лавозимида фаолият юритган.
2020 йилдан буён Исроилнинг Ўзбекистондаги элчиси бўлган Зеавит Бен-Ҳиллел 2024 йилнинг июлида ўз миссиясини якунлаган эди.
Изоҳ (0)