1 октябрь куни Эрон Исроилга баллистик ракеталар билан ҳужум қилишни бошлаган эди. Вазият сабабли элчихона Исроилдаги ўзбекистонликларга мурожаат қилди.
Элчихона яна бир бор тезкор эҳтиёт чораларини кўришни қатъий тавсия қилди.
“Ҳозирги вақтдаги интенсив ракета отишмалари муносабати билан Ўзбекистон элчихонаси сизлардан яна бир бор тезкор эҳтиёт чораларини кўришни қатъий тавсия қилади:
1. Ракета ҳужумлари пайтида тезлик билан бомба бошпаналарига киринг.
2. Исроил ҳукумати ва Ўзбекистон элчихонаси расмий хабарларини кузатиб боринг. Исроил фронт орти қўмондонлиги билдиришномалари ва огоҳлантиришларига амал қилинг.
3. Шахсингизни тасдиқловчи ҳужжатлар ва Ўзбекистон элчихонасининг алоқа маълумотларини доимо ўзингиз билан олиб юринг”, дейилади мурожаатда.
Агар шошилинч ёрдам ёки маслаҳат керак бўлса, Ўзбекистоннинг Исроилдаги элчихонасига қуйидаги телефонлар орқали мурожаат қилиш кераклиги айтилган:
Фавқулодда ёрдам телефонлари :
- 03-672-2466
03-672-2371
03-758-5075
03-758-5076
Фавқулодда ва шошилинч хабарлар учун:
- 054 485 1397
Электрон почта: ил.uzembassy@mfa.uz
Эроннинг Исроилга йирик ракета ҳужуми
Эроннинг Исроилга йирик ракета ҳужуми тўхтади. Бу ҳақда Исроил армиясининг расмий вакили Даниэль Хагарий махсус мурожаатида маълум қилган. Исроил ОАВ хабарларига кўра, Эрон томонидан жами 500 га яқин ракета учирилган.
Ислом инқилоби қўриқчилари корпусининг билдиришича, Эрон ракеталари томонидан Исроилнинг Ўрта Ер денгизидаги ҳарбий базалари ва газ платформалари нишонга олинган.
Эрон ракеталарининг бир қисми Ғазо секторидаги Нетзарим ҳудудига тушиб, Исроилнинг кўп сонли танкларини ишдан чиқарди, деб хабар бермоқда ИРИБ телеканали.
Шунингдек, Эрон ОАВ ракета ҳужуми оқибатида Исроилнинг 20 дан ортиқ Ф-35 қирувчи самолётлари йўқ қилинганини хабар берди.
Изоҳ (0)