Қирғизистон Ташқи ишлар вазирлиги фуқароларини Ливан ва Исроилга бормасликка чақирди. Тегишли огоҳлантириш ТИВ сайтида эълон қилинди.
Вазирлик Исроил ва Ливан чегарасидаги мураккаб ва кескин вазият туфайли қирғизистонликларни огоҳлантирган. Яҳудий давлати 23 сентябрь куни Ливанда операция бошлади. Кўплаб қишлоқлар ва бир қатор аҳоли пунктлари кучли зарбалар остида қолди, 500 дан ортиқ одам ҳалок бўлди.
“Исроил ва Ливанда бўлиб турган Қирғизистон фуқаролари ўз хавфсизлик чораларини кучайтириши, шунингдек, минтақадаги вазият барқарорлашгунча имкон қадар юқоридаги мамлакатларни тарк этиши керак”, дейилади огоҳлантиришда.
Фавқулодда алоқа учун Қирғизистоннинг Кувайтдаги элчихонаси (+96525359951), Туркиядаги элчихонаси (+905456896800), Ташқи ишлар вазирлигининг Консуллик департаментига (+996 999312002) боғланиш сўралган.
Ўзбекистон ҳам Исроилдаги фуқароларни огоҳлантирмоқда
“Ҳозирги пайтда мамлакатнинг шимолий ҳудудларида мураккаб вазият вужудга келаётганини эътиборга олиб, ўзингизнинг шахсий хавфсизлик чораларини кўришингизни ва ракета отишмалари пайтида бошпаналарни тарк этмасликни тавсия этамиз”, дейилади элчихона мурожаатида.
Фуқаролар Исроил ҳукумати ва Ўзбекистон элчихонаси расмий хабарларини кузатиб боришга чақирилди. Шунингдек, Исроил фронторти қўмондонлигидан билдиришномалар ва огоҳлантиришлар (Ҳоме Фронт Cомманд) мобил иловаси ёки веб-сайти ҳаволасини телефонга ўрнатиб олиш сўралди.
“Заруриятсиз кўчага ва бошқа кўнгилочар муассасаларга ташриф буюрманг. Илтимос, ўз ҳаётингизни эҳтиёт қилинг”, дейилади мурожаатда.
Элчихона консуллик бўлими ишонч телефонлари:
- 03-672-2466
- 03-672-2371
- 03-758-5075
- 03-758-5076
Фавқулодда ҳолатларда ва шошилинч хабарлар учун:
- +972 54 485 1397
Изоҳ (0)