Исроил Мудофаа армияси 13 июнь куни кечқурун Эрон томонидан кўп миқдорда ракеталар учирилгани ҳақида хабар берди. Эрон “Қатъий жазо” деб номланган ҳарбий амалиёти бошланганини эълон қилди.
ЦАХАЛ баёнотида ҳаво ҳужумидан мудофаа тизимлари таҳдидни бартараф этиш учун ишга туширилгани қайд этилди. Аҳолига хавфсиз жойларга яшириниб, кейинги кўрсатмаларни кутиш тавсия этилган.
Исролнинг Тель-Авив шаҳрида бир неча портлашлар содир бўлгани хабар қилинмоқда. Эрон ракеталари Исроилнинг “Темир гумбаз”ини ёриб ўтгани айтилмоқда.
Тель-Авив олов ичида қолгани, ҳаво мудофаа тизими эса бунга дош беролмаётгани таъкидланмоқда.
13 июнга ўтар кечаси Исроил қўшинлари Эронга қарши ҳарбий операция бошлаб, Ислом Республикасининг бир неча аҳоли пунктларидаги объектларга зарбалар берди. Жумладан, Теҳрондаги Ислом инқилоби қўриқчилари корпуси (ИИҚК) штаб-квартираси ҳам нишонга олинган.
Кейинроқ Эрон Атом энергияси ташкилоти (ИАЭТ) раҳбари Муҳаммад Эсломий Исроил ҳужумлари натижасида Натанздаги ядровий объектга жиддий зарар етмаганини маълум қилди.
Изоҳ (0)