АҚШнинг Калифорния штати Лос Анжелес шаҳрида иккинчи кун кетма-кет Иммиграция ва Божхона хизмати (ICE) томонидан ўтказилаётган рейдларга қарши оммавий норозилик намойишлари давом этмоқда. Президент Дональд Трамп 2000 нафар Миллий гвардия аскарларини юбориш ҳақида фармойиш берди. Бу ҳақда президент матбуот котиби Керолайн Ливиттга таяниб DW нашри хабар берди.
-XLSPcfWX.avif)
Трамп ўзининг Truth Social ижтимоий тармоғида Калифорния губернатори Гевин Ньюсом ва Лос Анжелес мери Карен Бассга таҳдидлар билан мурожаат қилган эди.
АҚШ президенти агар улар ўз ишларини бажара олмасалар, федерал ҳукумат аралашишини ва тартибсизликлар ҳамда талончиликлар муаммосини ҳал қилишини айтганди.
АҚШ Ички хавфсизлик вазирлиги бўлими Сан Диэго шаҳридаги икки ресторанга ўтказилган рейдлар чоғида портловчи чироқ-шовқин гранаталарини қўллаган эди.
Намойишчилар ҳуқуқни муҳофаза қилувчи ходимларга бетон бўлакларини отган. Бир ҳафта давомида Лос Анжелес атрофидаги ҳудудларда иммиграция қонунчилигини бузганликда гумон қилинган 118 киши қўлга олинган.
Қўшма Штатлар президенти Миллий гвардияни муайян мақсадларда, жумладан, “намойишларни бостириш” учун фойдаланиш ваколатига эга.
Изоҳ (0)