Жанубий Корея ҳарбий-денгиз кучларига тегишли патрул самолёти ҳалокатга учраши натижасида тўрт киши вафот этди. Бу ҳақда Yonhap ахборот агентлиги хабар бермоқда.
“Похан шаҳрида патрул самолёти ҳалокатга учрагандан сўнг, тўрт кишининг жасади топилди”, дейилади хабарда.
Жасадлар аниқлаш учун Похандаги ҳарбий-денгиз госпиталига олиб борилади. Воқеа сабаблари ўрганилмоқда. Ҳалокат жойига ўт ўчириш хизматлари жўнатилган.
Маълум бўлишича, самолёт авиабазадан маҳаллий вақт билан соат 13:43 да ҳавога кўтарилган, гувоҳлар база атрофидаги тепаликлардан бирида тахминан соат 13:50 да тутун кўтарилаётганини пайқашган. Соат 13:52 атрофида самолёт Похан шаҳрининг Намгу туманидаги тоғларда ҳалокатга учраган.
Жанубий Корея ҳарбий-денгиз кучлари патрул самолётининг ҳалокати бўйича тергов олиб бормоқда ва Lockheed P-3 Оrion русумидаги барча саккизта шундай патрул самолётларининг парвозини вақтинча тўхтатди.
Калифорния штатининг Сан-Диэго шаҳрида Cessna самолётининг турар жой мавзесига қулаши оқибатида бир неча киши вафот этганди.
5 январь Аляска яриморолида АҚШнинг F-35А қирувчи самолёти қулаб тушди. Учувчи катапульта қилишга улгурди ва тирик қолди.
12 февралда АҚШ ҳарбий-денгиз кучларининг самолёти Сан Диэго кўрфазига қулаб тушди. Авиаҳалокат Норт Айленд ҳарбий авиабазаси яқинида юз берган. Самолёт бортида икки киши бўлган. Уларни балиқ овлаш кемаси қутқариб қолган.
19 февраль АҚШнинг Аризона штати осмонида 19 февраль куни кичик самолётлар тўқнашди, оқибатда икки киши ҳалок бўлди. Ҳар бир самолёт бортида иккитадан одам бўлган. Тўқнашув Тусон шаҳри яқинида содир бўлган. Тўқнашувдан сўнг Cessna 172 самолёти хавфсиз қўнишга муваффақ бўлган. Бироқ Lancair 360 МК II учиш-қўниш йўлаги яқинида ерга қулаб, ёниб кетган.
Изоҳ (0)