Фарғона шаҳрининг “Жўйдам” МФЙда жойлашган, фуқаро С. Ш. га қарашли кулолчилик цехида табиий газдан фойдаланиш ҳолати ўрганилди. Бу ҳақда “Ҳудудгазтаъминот” АЖ матбуот хизмати хабар берди.
Маълум қилинишича, истеъмолчи газ ҳисоблагичдан ташқари табиий газ қувурига ўзбошимчалик билан тўғридан-тўғри уланган.
Ҳолат юзасидан далолатнома тузилиб, сарфланган табиий газ ҳажми қайта ҳисоб-китоб қилинди ва 7 млрд 655 млн 718 минг сўмлик зарар аниқланди.
Ноқонуний ҳолат бўйича барча ҳужжатлар ҳуқуқни муҳофаза қилувчи органларга юборилди.
Бундай ҳолатлар сони ортиб бормоқда
Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди. Шунингдек:
- Бухорода 1,2 млрд сўмлик электрдан ноқонуний фойдаланилгани аниқланди.
- Қорақалпоғистоннинг учта ҳудудида 845 млн сўмлик газдан ноқонуний фойдаланилди.
- Бухоро ва Жиззахда электрдан ноқонуний фойдаланганлар 360 млн сўмдан зиёд зарар етказди.
- Учта вилоятда қарийб ярим млрд сўмлик газдан ноқонуний фойдаланилди.
Республика бўйлаб 26 май куни 271 та энергоресурсларни йўқотиш ҳолатлари ҳамда 470 та ҳолатда 6,2 млрд сўмлик талон-торож қилиш ҳолатлари аниқланди.
Изоҳ (0)