Ҳудудларда энергия ресурсларини иқтисод қилиш борасида ишлар давом эттирилмоқда, деб хабар берди Бош прокуратура матбуот хизмати.
Маълум қилинишича, 26 май куни 271 та энергоресурсларни йўқотиш ҳолатлари ҳамда 470 та ҳолатда 6,2 млрд сўмлик талон-торож қилиш ҳолатлари аниқланди.
Шу билан бирга, газ тақсимлаш пунктларининг 2 таси алмаштирилди ва 259 таси таъмирланди, 888 та хонадон икки босқичли тизимга ўтказилди, 3 762 та газ ҳисоблагич батареяси алмаштирилди.
Шунингдек, 2 800 та газ ҳисоблагичининг алоқаси тикланди, 5 та янги трансформатор ўрнатилди, 248 км тармоқ, 290 та трансформатор пунктлари таъмирланди, 14 км юқори юкламали тармоқларда симлар алмаштирилди.
Бундан ташқари, қонун бузилишига йўл қўйган 11 нафар шахс маъмурий ва интизомий жавобгарликка тортилди, 5 та жиноят иши қўзғатилди.
Бундай ҳолатлар сони ортиб бормоқда
Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди. Шунингдек:
- Бухорода 1,2 млрд сўмлик электрдан ноқонуний фойдаланилгани аниқланди.
- Қорақалпоғистоннинг учта ҳудудида 845 млн сўмлик газдан ноқонуний фойдаланилди.
- Бухоро ва Жиззахда электрдан ноқонуний фойдаланганлар 360 млн сўмдан зиёд зарар етказди.
- Учта вилоятда қарийб ярим млрд сўмлик газдан ноқонуний фойдаланилди.
Республика бўйлаб бир кунда 3,3 млрд сўмлик газ ва “свет” талон-торож қилингани аниқланди.
Изоҳ (0)