Beta Technologies компанияси томонидан ишлаб чиқарилган ушбу самолёт биринчи марта Жон Ф.Кеннеди номидаги халқаро аэропортидан учиб чиқди ва намойиш парвозидан сўнг қўнди. Парвоз пайтида самолётда учувчи ва тўрт нафар йўловчи бўлган. Маълумотларга кўра, 45 дақиқалик парвоз учун энергия сарфи атиги 7 долларни ташкил этган.
Beta Technologies компанияси директори Роб Визентал ушбу янгиликни шундай шарҳлади: “Лонг-Айленддан Нью Йоркка электр самолётидаги бу парвоз зарарли моддалар чиқармаган ҳолда шовқинсиз учиш тез орада ҳақиқатга айланишини ва фойда келтиришини кўрсатмоқда. Мен компаниямизнинг электросамолётларга содиқлигини намойиш қилиш учун ушбу рейсда йўловчи бўлишдан кўра яхшироқ йўл топа олмадим”, деди Роб Визентал.
Таъкидланганидек, бу ишланма жамоат транспорти тизимида углеродни камайтириш бўйича комплекс саъй-ҳаракатларнинг бир қисмидир. Beta Technologies’нинг хабар беришича, Нью Йоркка муваффақиятли қўниш олти йиллик қатъий синовлар ва ишланмаларнинг чўққиси бўлди. Beta Technologies асосчиси ва бош директори Кайл Кларкнинг таъкидлашича, электросамолёт шаҳарларда долзарб бўлиб, йўллардаги тирбандлик ва чиқиндиларни камайтиради, шунингдек, фойдаланиш имкониятини оширади.
Ўтган йилнинг кузида компания ўз самолётларини ишлаб чиқариш ва сертификатлашни молиялаштириш учун 318 миллион доллар жалб қилди. Ҳозирга келиб Beta Technologies томонидан жалб қилинган маблағларнинг умумий ҳажми 1 миллиард доллардан ошди.
Изоҳ (0)